ലഖ്‌നൗ : ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിന് വാട്‌സ്്ആപ്പിലൂടെ വധ ഭീഷണി മുഴക്കിയ ആള്‍ പിടിയില്‍. മുംബൈ സ്വദേശിയാണ് കസ്റ്റഡിയിലായിരിക്കുന്നത്. ഉത്തര്‍ പ്രദേശ് പോലീസിന്റെ വാട്‌സ്ആപ്പ് നമ്പറിലൂടെയാണ് ഇയാള്‍ യോഗി ആദിത്യനാഥിനെതിരെ വധഭീഷണി മുഴക്കിയത്.
കഴിഞ്ഞ ദിവസം വൈകിട്ടാണ് സംഭവം. 75700000100 എന്ന വാട്സ് ആപ്പ് നമ്പറിലേക്കാണ് മുംബൈ സ്വദേശി ഭീഷണി സന്ദേശം അയച്ചത്.സംഭവത്തില്‍ ഉടന്‍ തന്നെ പോലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിക്കുകയായിരുന്നു. തുടര്‍ന്ന് സന്ദേശ ഉറവിടം കേന്ദ്രീകരിച്ച് അന്വേഷണം നടത്തിയതോടെയാണ് ഇയാള്‍ പിടിയിലായത്.
സൈബര്‍ ടീമും ആഗ്ര പോലീസിന്റേയും പ്രത്യേക സംഘമാണ് ഫോണിന്റെ ഉടമയെ കണ്ടെത്തിയത്. അതേസമയം മൊബൈല്‍ ഉടമ പ്രായപൂര്‍ത്തിയാകാത്ത കുട്ടിയാണ്. അതിനാല്‍ ഈ കുട്ടിതന്നെയാണോ സന്ദേശം അയച്ചതെന്ന് പോലീസ് കസ്റ്റഡിയിലെടുത്ത് പരിശോധിച്ച് വരികയാണ്. കുട്ടിയെ കൂടുതല്‍ ചോദ്യം ചെയ്യുന്നതിനായി ലഖ്‌നൗവിലേക്ക് കൊണ്ടു പോയി.
പ്രതികരിക്കാൻ ഇവിടെ എഴുതുക: