കോഴിക്കോട്: പോലീസ് നിയമഭേദഗതി സംസ്ഥാന സര്‍ക്കാരിന് എതിരായ ആരോപണങ്ങളെ പ്രതിരോധിക്കാനാണെന്ന് യുവമോര്‍ച്ച സംസ്ഥാനപ്രസിഡന്റ് സി.ആര്‍. പ്രഫുല്‍ കൃഷ്ണന്‍. അഭിപ്രായ സ്വാതന്ത്ര്യത്തിനും ജനങ്ങളുടെ മൗലികാവകാശത്തിനും നേരേയുള്ള കടന്നുകയറ്റമാണ് ഭേദഗതി. മാധ്യമ സ്വാതന്ത്ര്യത്തെപ്പോലും ഹനിക്കുന്ന നിയമം അത്യന്തം പ്രതിഷേധാര്‍ഹമാണ്.
സിപിഎമ്മിനും മുഖ്യമന്ത്രി ഉള്‍പ്പെടെയുള്ള മന്ത്രിമാര്‍ക്കും എതിരായുള്ള ആരോപണങ്ങളെ പ്രതിരോധിക്കാന്‍ കഴിയാതെ വന്ന സാഹചര്യത്തില്‍ സിപിഎം കണ്ടെത്തിയ പോംവഴിയാണ് നിയമ ഭേദഗതി. രാഷ്‌ട്രീയ എതിരാളികള്‍ക്ക് നേരേ രാഷ്‌ട്രീയ പകപോക്കലിന് നിയമഭേദഗതി ഉപയോഗിക്കാനാണ് സിപിഎം ശ്രമം. നാളെ സംസ്ഥാന വ്യാപകമായി ഭേദഗതിയുടെ കോപ്പി കത്തിച്ച് യുവമോര്‍ച്ച പ്രതിഷേധിക്കുമെന്നും പ്രഫുല്‍ അറിയിച്ചു.
പ്രതികരിക്കാൻ ഇവിടെ എഴുതുക: