കുവൈത്ത് സിറ്റി: കുവൈത്തിൽ കൊറോണ വൈറസ് പരിശോധന നടത്തിയവരുടെ എണ്ണം 10 ലക്ഷം കവിഞ്ഞു. പുതുതായി 718 പേര്‍ക്ക് കൊറോണ സ്ഥിരീകരിച്ചു.
കഴിഞ്ഞ 24 മണിക്കൂറിനിടയില്‍ 7,834 പേരില്‍ നടത്തിയ സ്രവ പരിശോധനയില്‍ നിന്നുമാണ് 718 പേരില്‍ കൊറോണ സ്ഥിരീകരിച്ചത്. രാജ്യത്ത് ഇതുവരെ കൊറോണ പരിശോധനക്ക് വിധേയരാക്കിയവരുടെ എണ്ണം പത്ത് ലക്ഷം കടന്ന് പത്ത് ലക്ഷത്തി 1250 പേരിലെത്തിയതായി ആരോഗ്യമന്ത്രാലയം അറിയിച്ചു. ഇതില്‍ നിന്നും ആകെ രോഗബാധ സ്ഥിരീകരിച്ചത് 1,35,650 പേരിലാണ്.
അതേ സമയം രോഗബാധിതരായി ചികിത്സയില്‍ കഴിഞ്ഞിരുന്ന മൂന്നുപേര് കൂടി മരിച്ചതോടെ ആകെ കോറോണ മരണസംഖ്യ 833 ആയി. ഇന്ന് പുതുതായി 751 പേര്‍ കൂടി രോഗം ഭേദമായി ആശുപത്രിവിട്ടതോടെ ആകെ രോഗമുക്തരുടെ എണ്ണം 1,26,344 പേരിലെത്തി. ചികിത്സയില്‍ തുടരുന്ന 8,473 പേരില്‍ 110 പേരുടെ നില അതീവ ഗുരുതരമായി തുടരുകയാണെന്നും ആരോഗ്യമന്ത്രാലയം അറിയിച്ചു.
പ്രതികരിക്കാൻ ഇവിടെ എഴുതുക: