ദുബായ്: കൊല്‍ക്കത്ത നൈറ്റ് റൈഡേഴ്‌സിനെതിരായ ഐപിഎല്‍ മത്സരത്തില്‍ ചെന്നൈ സൂപ്പര്‍ കിങ്‌സിന് 173 റണ്‍സ് വിജയലക്ഷ്യം. ആദ്യം ബാറ്റ് ചെയ്ത കൊല്‍ക്കത്ത നൈറ്റ് റൈഡേഴ്‌സ് നിതീഷ് റാണയുടെ അര്‍ധ സെഞ്ചുറിയുടെ മികവില്‍ 20 ഓവറില്‍ 5 വിക്കറ്റിന് 172 റണ്‍സ് എടുത്തു.
നിതീഷ് റാണ 61 പന്തില്‍ 10 ഫോറും 4 സിക്‌സറും അടക്കം 87 റണ്‍സ് നേടി. ശുഭ്മാന്‍ ഗില്‍ 26 റണ്‍സ് എടുത്തു. അവസാന ഓവറുകളില്‍ തകര്‍ത്തടിച്ച ദിനേശ് കാര്‍ത്തിക് 10 പന്തില്‍ 21 റണ്‍സുമായി കീഴടങ്ങാതെ നിന്നു. ക്യാപ്റ്റന്‍ മോര്‍ഗന്‍ 15 റണ്‍സിനും ആര്‍.കെ. സിങ് 11 റണ്‍സിനും പുറത്തായി. ചെന്നൈയ്‌ക്കായി ലുങ്കി എന്‍ഗിഡി 4 ഓവറില്‍ 34 റണ്‍സിന് 2 വിക്കറ്റ് വീഴ്‌ത്തി.
ബാറ്റിങ്ങിനയ്‌ക്കപ്പെട്ട കൊല്‍ക്കത്തയ്‌ക്ക് ശുഭ്മാന്‍ ഗില്ലും നീതീഷ് റാണയും മികച്ച തുടക്കം സമ്മാനിച്ചു. ആദ്യ വിക്കറ്റില്‍, ഇവര്‍ 53 റണ്‍സ് കൂട്ടിച്ചേര്‍ത്തു. ഗില്ലിനെ ക്ലീന്‍ ബൗഡാക്കി ശര്‍മയാണ് ഈ കൂട്ടുകെട്ട് തകര്‍ത്തത്. ഗില്‍ 17 പന്തില്‍ 4 ഫോറുകളുടെ അകമ്പടിയില്‍ 26 റണ്‍സ് എടുത്തു. ടോസ് നേടിയ ചെന്നൈ ഫീല്‍ഡിങ് തെരഞ്ഞെടുക്കുകയായിരുന്നു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: