ലണ്ടന്‍: നിലവിലെ ചാമ്പ്യന്മാരായ ബയേണ്‍ മ്യൂണിക്കിനും ലിവര്‍പൂളിനും യുവേഫ ചാമ്പ്യന്‍സ് ലീഗില്‍ തുടര്‍ച്ചയായ രണ്ടാം വിജയം. ജര്‍മന്‍ ടീമായ ബയേണ്‍ മ്യൂണിക്ക് ഒന്നിനെതിരെ രണ്ട് ഗോളുകള്‍ക്ക് റഷ്യന്‍ കരുത്തരായ ലോക്കോമോട്ടീവ് മോസ്‌കോയെ തോല്‍പ്പിച്ചു. നിലവിലെ പ്രീമിയര്‍ ലീഗ് ചാമ്പ്യന്മാരായ ലിവര്‍പൂള്‍ മടക്കമില്ലാത്ത രണ്ട് ഗോളുകള്‍ക്ക് മിഡ്ജിലാന്റിനെ പരാജയപ്പെടുത്തി.
ലോക്കോമോട്ടീവിനെതിരായ മത്സരത്തിന്റെ പതിമൂന്നാം മിനിറ്റില്‍ ബയേണ്‍ മ്യൂണിക്ക് ലീഡ് എടുത്തു. ലിയോണ്‍ ഗോറേട്‌സ്‌കയാണ് ഗോള്‍ അടിച്ചത്. ആദ്യ പകുതിയില്‍ ബയേണ്‍ 1-0ന് മുന്നിട്ടുനിന്നു.
രണ്ടാം പകുതിയില്‍ തകര്‍ത്തുകളിച്ച ലോക്കോമോട്ടീവ് എഴുപതാം മിനിറ്റില്‍ ഗോള്‍ മടക്കി സമനില പിടിച്ചു. ആന്റണ്‍ മിരാന്‍ചുക്കാണ് സ്‌കോര്‍ ചെയ്തത്. ഒമ്പത് മിനിറ്റുകള്‍ക്ക് ശേഷം ബയേണ്‍ വീണ്ടും മുന്നിലെത്തി. ജോഷ്വ കിമ്മിച്ചാണ് നിര്‍ണായക ഗോള്‍ കുറിച്ചത്. ഈ വിജയത്തോടെ ഗ്രൂപ്പ് എ യില്‍ ആറു പോയിന്റുമായി ബയേണ്‍ ഒന്നാം സ്ഥാനത്തെത്തി.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: