ഷാര്‍ജ: ചെന്നൈ സൂപ്പര്‍ കിങ്‌സ് സ്പിന്നര്‍ രവീന്ദ്ര ജഡേജ അവസാന ഓവര്‍ ബൗള്‍ ചെയ്തത് ഞങ്ങള്‍ക്ക് ഗുണമായെന്ന് ദല്‍ഹി ക്യാപിറ്റല്‍സ് ഓപ്പണര്‍ ശിഖര്‍ ധവാന്‍. അവസാന ഓവറില്‍ ദല്‍ഹിക്ക് ജയിക്കാന്‍ 17 റണ്‍സ് വേണ്ടിയിരുന്നു. ജഡേജ എറിഞ്ഞ 20-ാം ഓവറിലെ മൂന്ന് പന്തുകള്‍ സിക്‌സര്‍ പൊക്കി അക്ഷര്‍ പട്ടേല്‍ ദല്‍ഹിയെ വിജയത്തിലെത്തിച്ചു.
ധവാന്റെ സെഞ്ചുറിയുടെ മികവില്‍ ദല്‍ഹി അഞ്ചു വിക്കറ്റിന് ചെന്നൈ സൂപ്പര്‍ കിങ്ങിസിനെ തോല്‍പ്പിച്ചു. ധവാന്‍ 101 റണ്‍സുമായി പുറത്താകാതെ നിന്നു. ഈ ഓപ്പണറുടെ ഐപിഎല്ലിലെ ആദ്യ സെഞ്ചുറിയാണിത്. ബ്രാവോ അവസാന ഓവര്‍ എറിയില്ലെന്ന് ഉറപ്പായിരുന്നു. അതിനാല്‍ ജഡേയെ പ്രതീക്ഷിച്ചു. ഇടംകൈന്മാരായ ഞങ്ങള്‍ക്ക് ജഡേജയുടെ പന്തുകള്‍ അനായാസം കൈകാര്യം ചെയ്യാനാകുമെന്ന് ഉറപ്പായിരുന്നെന്ന് ധവാന്‍ പറഞ്ഞു.
പരിക്കേറ്റതിനാലാണ് ബ്രാവോയെ അവസാന ഓവര്‍ എല്‍പ്പിക്കാതിരുന്നതെന്ന് ചെന്നൈ സൂപ്പര്‍ കിങ്‌സ് ക്യാപ്റ്റന്‍ എം.എസ്. ധോണി. ചെന്നൈയെ തോല്‍പ്പിച്ചതോടെ ദല്‍ഹി ഒമ്പത് മത്സരങ്ങളില്‍ പതിനാല് പോയിന്റുമായി ഒന്നാം സ്ഥാനത്തെത്തി. അടുത്ത മത്സരത്തില്‍ ദുബായില്‍ നാളെ കിങ്‌സ് ഇലവന്‍ പഞ്ചാബിനെ നേരിടും.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: