കൊച്ചി: നഗരത്തിലെ വിവിധ സ്ഥലങ്ങളില്‍ നിന്ന് ബൈക്കുകള്‍ മോഷ്ടിച്ച് അതുമായി രാത്രി കറങ്ങിനടന്ന് വിവിധ മുസ്ലിം, ക്രിസ്ത്യന്‍ പള്ളികളുടെ ഭണ്ഡാരങ്ങള്‍ കുത്തിത്തുറന്ന് മോഷണം നടത്തിവന്ന പ്രതികള്‍ പിടിയില്‍.
ഞാറക്കല്‍ സ്വദേശികളായ രഞ്ജിഷ് (19), പ്രവീണ്‍ (20) പ്രായപൂര്‍ത്തിയാകാത്ത കുട്ടിയുമാണ് ചേരാനല്ലൂര്‍ പോലീസിന്റെ പിടിയിലായത്. ചേരാനല്ലൂര്‍ പോലീസ് സ്റ്റേഷനില്‍ രജിസ്റ്റര്‍ ചെയ്ത ഇടയക്കുന്നം സെന്റ് സെബാസ്റ്റ്യന്‍സ് ചര്‍ച്ചിന്റെ ഭണ്ഡാരം കുത്തിതുറന്ന് പണം മോഷ്ടിച്ച കേസിലേക്ക് പ്രതികളെ അന്വേഷിച്ച് വരവെ ഡിസിപി പൂങ്കുഴലിക്ക് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ എ.സി.പി ലാല്‍ജിയുടെ നിര്‍ദ്ദേശപ്രകാരം ചേരാനല്ലൂര്‍ പോലീസ് സ്റ്റേഷന്‍ ഇന്‍സ്‌പെക്ടര്‍ ജോസ്.എന്‍.ആര്‍, സബ് ഇന്‍സ്‌പെക്ടര്‍മാരായ രൂപേഷ്, ജാഫര്‍, എ.എസ്.ഐ ഷിബു, എസ്.സി.പി.ഒ ഷുക്കൂര്‍, സി.പി.ഒ മാരായ അനീഷ്, നിഥിന്‍, ശ്രീരാജ് എന്നിവര്‍ ചേര്‍ന്നാണ് പ്രതികളെ അറസ്റ്റ് ചെയ്തത്. ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
പ്രതികരിക്കാൻ ഇവിടെ എഴുതുക: