തൃശൂര്‍: ചാലക്കുടി മലക്കപ്പാറയില്‍ കാട്ടാന ശല്യം രൂക്ഷം. കാട്ടാനകള്‍ ക്ഷേത്രവും തൊഴിലാളികള്‍ താമസിക്കുന്ന രണ്ട് വീടുകളും തകര്‍ത്തു. മയിലാടുംപാറ എന്‍സി മേഖലയില്‍ പുലര്‍ച്ചെ രണ്ടോടെയാണ് സംഭവം. ക്ഷേത്രത്തിലെ നിലവിളക്കുകളും എണ്ണപ്പാട്ടകളും ആനകള്‍ നശിപ്പിച്ചു.വീടിനു പുറത്ത് അഴയില്‍ ഇട്ടിരുന്ന തൊഴിലാളികളുടെ വസ്ത്രങ്ങളും ആനകള്‍ തിന്നു
. ഇരുചക്ര വാഹനങ്ങള്‍ സ്റ്റാര്‍ട്ട് ചെയ്തു നിറുത്തിയാണ് നാട്ടുകാര്‍ ആനകളെ വിരട്ടിയോടിച്ചത്. കഴിഞ്ഞ ദിവസം റോപ്പമട്ടം ഭാഗത്ത് വെച്ചുണ്ടായ കാട്ടാനയുടെ ആക്രമണത്തില്‍ ഹോട്ടല്‍ ജീവനക്കാരിക്ക് പരുക്കേറ്റിരുന്നു.ഇവര്‍ ചാലക്കുടി സര്‍ക്കാര്‍ ആശുപത്രിയില്‍ ചികിത്സയിലാണ്. കാട്ടാന ശല്യം അതിരപ്പിള്ളി മേഖലയില്‍ വര്‍ദ്ധിച്ചു വരുന്നതായി നാട്ടുകാര്‍ പറയുന്നു.
പ്രതികരിക്കാൻ ഇവിടെ എഴുതുക: