തിരുവനന്തപുരം: സേവാഭാരതി വട്ടിയൂര്‍ക്കാവ് യൂണിറ്റിന്റെ ഓഫീസ് സിനിമാ സീരിയല്‍ താരം കൃഷ്ണകുമാര്‍ ഭദ്രദീപം കൊളുത്തി ഉദ്ഘാടനം ചെയതു. വട്ടിയൂര്‍ക്കാവ് സേവാഭാരതി പ്രസിഡന്റ് രവി കാച്ചാണി അധ്യക്ഷനായ ചടങ്ങില്‍ സേവാഭാരതി തിരുവനന്തപുരം ജില്ലാ സമിതി പ്രസിഡന്റ് ഡോ. രാജ് മോഹന്‍ ആദ്യ സംഭാവന സ്വീകരിച്ചു.
അത്യാഹിതങ്ങള്‍ എന്തുമാകട്ടെ, പ്രളയം, മണ്ണിടിച്ചില്‍, ഭൂമികുലുക്കം. സര്‍ക്കാരിന്റെ രക്ഷാസേനകളാണ് സഹായത്തിനു ആദ്യം എത്തുന്നതു. അതുകഴിഞ്ഞാല്‍ ഒരു സന്നദ്ധ സംഘം എത്തും. ദുരന്ത ഭൂമിയില്‍ എന്തിനും ഏതിനും അവര്‍ ഉണ്ടാകും. എല്ലാം നഷ്ടപ്പെട്ടവര്‍ക്ക് ജീവിതം മുന്നോട്ട് നയിക്കാന്‍ സഹായഹസ്ഥാവുമായി അവര്‍ വീണ്ടുമെത്തും. അത് സേവാഭാരതിയാണെന്ന് ഓഫീസ് ഉദ്ഘാടനം ചെയ്തുകൊണ്ട് കൃഷ്ണകുമാര്‍ പറഞ്ഞു.
രാഷ്‌ട്രീയ സ്വയംസേവക സംഘം തിരുവനന്തപുരം വിഭാഗ് പ്രചാര്‍ പ്രമുഖ് പി.സുധാകരന്‍, സേവാഭാരതി സംഭാഗ് സംഘടനാ സെക്രട്ടറി ശങ്കര്‍, രാഷ്‌ട്രീയ സ്വയംസേവക സംഘം വട്ടിയൂര്‍ക്കാവ് നഗള്‍ സംഘചാലക് മോഹന്‍ എന്നിവര്‍ പ്രസംഗിച്ചു.
പ്രതികരിക്കാൻ ഇവിടെ എഴുതുക: