ന്യൂദല്‍ഹി: കൊറോണ ബാധിച്ച് ചികിത്സയിലായിരുന്ന ഗുസ്തി താരം ദീപക് പൂനിയ ആശുപത്രി വിട്ടു. ഇനി വീട്ടില്‍ ക്വാറന്റൈനില്‍ കഴിയും. ആരോഗ്യനില മെച്ചപ്പെട്ടതിനെ തുടര്‍ന്നാണ് ഡിസ്ചാര്‍ജ് ചെയ്തത്.
ദേശീയ ക്യാമ്പില്‍ പങ്കെടുക്കാനായി സോണാപെറ്റിലെ സായ് കേന്ദ്രത്തിലെത്തിയപ്പോഴാണ് ദീപക് പൂനിയ അടക്കം മൂന്ന് ഗുസ്തി താരങ്ങള്‍ക്ക് കൊറോണ സ്ഥിരീകരിച്ചത്. നവീന്‍, കൃഷന്‍ എന്നിവാണ് രോഗം സ്ഥിരീകരിച്ച മറ്റ് താരങ്ങള്‍.
സായ് കേന്ദ്രത്തിലെത്തിയതിനെ തുടര്‍ന്ന് നടത്തിയ പരിശോധനയില്‍ മൂന്ന് പേര്‍ക്കും രോഗം സ്ഥിരീകരിച്ചു. പൂനിയയെ ഉടന്‍ തന്നെ ആശുപത്രിയില്‍ പ്രവേശിപ്പിച്ചു. വീട്ടില്‍ ക്വാറന്റൈനില്‍ കഴിയാന്‍ നിര്‍ദേശിച്ച് ഡോക്ടര്‍മാര്‍ ഇന്നലെ പൂനിയയെ ഡിസ്ചാര്‍ജ് ചെയ്തു. ലോക ചാമ്പ്യന്‍ഷിപ്പില്‍ വെള്ളിമെഡല്‍ നേടിയ താരമാണ് പൂനിയ.
പ്രതികരിക്കാൻ ഇവിടെ എഴുതുക: