റോബര്‍ട്ട് ലെവന്‍ഡോസ്‌കിയുടെ ഇരട്ട ഗോളുകളുടെ മികവില്‍ ചെല്‍സിയെ ഒന്നിനെതിരെ നാലു ഗോളുകള്‍ക്ക് നാണം കെടുത്തിയാണ് ബുന്ദസ്‌ലിഗ ടീമായ ബയേണ്‍ മ്യൂണിക്ക് ക്വാര്‍ട്ടര്‍ ഫൈനലിലെത്തിയത്. രണ്ട് പാദങ്ങളിലുമായി ബയേണ്‍ 7-1 ന്റെ വിജയം നേടി. ആദ്യ പാദത്തില്‍ ബയേണ്‍ മടക്കമില്ലാത്ത മൂന്ന് ഗോളുകള്‍ക്ക് വിജയം നേടിയിരുന്നു. എല്ലാ മത്സരങ്ങളിലുമായി ബയേണിന്റെ തുടര്‍ച്ചയായ 18-ാം വിജയമാണിത്.
പത്താം മിനിറ്റില്‍ ലെവന്‍ഡോസ്‌കിയാണ് സ്‌കോറിങ്ങിന് തുടക്കമിട്ടത്. പെനാല്‍റ്റി ഗോളാക്കി ഈ സ്‌ട്രൈക്കര്‍ ബയേണിനെ മുന്നിലെത്തിച്ചു. മത്സരത്തിലെ അവസാന ഗോളും ലെവന്‍ഡോസ്‌കിയാണ് നേടിയത്. 83-ാം മിനിറ്റിലായിരുന്നു ഈ പോളീഷ് താരത്തിന്റെ രണ്ടാം ഗോള്‍. പെരിസിച്ച്, ടോളിസോ എന്നിവരും ബയേണിനായി സ്‌കോര്‍ ചെയ്തു. 44-ാം മിനിറ്റില്‍ അബ്രഹാമാണ് ചെല്‍സിയുടെ ആശ്വാസ ഗോള്‍ കുറിച്ചത്.
രണ്ട് ഗോളുകള്‍ നേടിയതോടെ ലെവന്‍ഡോസ്‌കിക്ക് ഈ സീസണില്‍ 44 മത്സരങ്ങളില്‍ 53 ഗോളുകളായി.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: