ലണ്ടന്‍: സ്പാനിഷ് വിങ്ങര്‍ ഫെറാന്‍ ടോറസുമായി പ്രീമിയര്‍ ലീഗ് ടീമായ മാഞ്ചസ്റ്റര്‍ സിറ്റി അഞ്ചു വര്‍ഷത്തെ കരാര്‍ ഒപ്പുവച്ചു. സ്പാനിഷ് ലീഗ് ടീമായ വലന്‍സിയയില്‍ നിന്നാണ് ഇരുപതുകാരന്‍ സിറ്റിയിലേക്ക് ചേക്കേറിയത്.
കരാര്‍ തുക മാഞ്ചസ്റ്റര്‍ സിറ്റി വെളിപ്പെടുത്തിയിട്ടില്ല. അതേമസയം ഇരുപത്തിമുന്ന് മില്യന്‍ യൂറോയ്‌ക്കാണ് സിറ്റി ടോറസിനെ സ്വന്തമാക്കിയതെന്ന് ബ്രീട്ടീഷ് മാധ്യമങ്ങള്‍ വെളിപ്പെടുത്തി. കഴിഞ്ഞ സീസണില്‍ ടോറസ് വലന്‍സിയയ്‌ക്കായി ആറു ഗോളുകള്‍ നേടി. എട്ട് ഗോളുകള്‍ക്ക് വഴിയൊരുക്കുകയും ചെയ്തു. ലാ ലിഗയില്‍ വലന്‍സിയ ഒമ്പതാം സ്ഥാനം നേടി. മാഞ്ചസ്റ്റര്‍ സിറ്റിയില്‍ ചേര്‍ന്നതില്‍ സന്തോഷവാനാണ്. ആക്രമണ ശൈലി പിന്തുടരുന്ന സിറ്റിയെപ്പോലുളള ടീമുകളില്‍ കളിക്കാന്‍ എല്ലാവരും ആഗ്രഹിക്കുമെന്ന് ടോറസ് പറഞ്ഞു.
പ്രതികരിക്കാൻ ഇവിടെ എഴുതുക: