വട്ടിയൂര്‍ക്കാവ്: ജൂലൈ മാസം 25നു മസ്‌കറ്റില്‍ മരണപ്പെട്ട യുവാവിന്റെ അന്ത്യകര്‍മങ്ങളില്‍ എല്ലാ സഹായവുമായി സേവാഭാരതി വട്ടിയൂര്‍ക്കാവ് യൂണിറ്റ്. വട്ടിയൂര്‍ക്കാവ് നേതാജി റോഡ് അയോധ്യയില്‍ ബി. രമേശന്റെ മകന്‍ ഷിബുദേവ് (49) ആണ് മരണപ്പെട്ടത്.
ഹൃദയാഘാതമായിരുന്നു മരണകാരണം. ഈവര്‍ഷം ആദ്യം നാട്ടിലെത്തിയശേഷം മാര്‍ച്ച് മാസത്തില്‍ ഇദ്ദേഹം മടങ്ങിപ്പോയിരുന്നു. മസ്‌കറ്റില്‍ ഓട്ടോ ഇലക്ട്രീഷ്യനായിരുന്നു ഷിബുദേവ്. ഷിബുവിന്റെ സുഹൃത്തും സേവാഭാരതി പ്രവര്‍ത്തകനുമായ അനൂബ് ഉണ്ണിത്താന്‍ ആണ് മരണവിവരണം സേവാഭാരതിയെ അറിയിക്കുന്നതും അവര്‍ എല്ലാവിധ സഹായങ്ങളുമായി രംഗത്തുവരികയും ചെയ്തത്.
മൃതദേഹം നാട്ടിലെത്തിക്കുന്നതിനും ഷിബുദേവിന്റെ പാസ്‌പോര്‍ട്ട് റദ്ദുചെയ്യുന്നതിനും മറ്റു നടപടിക്രമങ്ങള്‍ പൂര്‍ത്തീകരിക്കുന്നതിനും സേവാഭാരതി മുന്നില്‍നിന്നു. മൃതദേഹം തൈക്കാട് ശാന്തികവാടത്തിലാണ് സംസ്‌കരിച്ചത്. സംസ്‌കാരച്ചടങ്ങുകള്‍വരെയുള്ള കാര്യങ്ങള്‍ക്കും സേവാഭാരതി പ്രവര്‍ത്തകര്‍ ഒന്നിച്ചുണ്ടായിരുന്നു.
ജൂലൈ 31നു രാവിലെ 8 മണിക്ക് ശാന്തികവാടത്തിലായിരുന്നു സംസ്‌കാരച്ചടങ്ങുകള്‍. എസ്. റീനയാണ് ഷിബുദേവിന്റെ ഭാര്യ. ഹരികൃഷ്ണന്‍, ഹരിശാന്ത് എന്നിവര്‍ മക്കളാണ്. സേവാഭാരതി വട്ടിയൂര്‍ക്കാവ് ബൂത്ത് പ്രസിഡന്റ് സന്തോഷ്, വാര്‍ഡ് കൗണ്‍സിലര്‍ എസ്. ഹരിശങ്കര്‍, പ്രവര്‍ത്തകനായ കണ്ണന്‍ എന്നിവര്‍ അന്ത്യകര്‍മങ്ങളുമായി ബന്ധപ്പെട്ട പ്രവര്‍ത്തനങ്ങള്‍ ഏകോപിപ്പിച്ചു.
പ്രതികരിക്കാൻ ഇവിടെ എഴുതുക: