ബൈക്കുകള്‍ കൂട്ടിയിടിച്ച് യുവാവ് മരിച്ചു; കുണ്ടറയില്‍ നിന്നും കൊടുവിളയിലെ വീട്ടിലേക്ക് പോകും വഴിയായിരുന്നു അപകടം

കുണ്ടറ: ബൈക്കുകള്‍ കൂട്ടിയിടിച്ച് യുവാവ് മരിച്ചു. കിഴക്കേകല്ലട കൊടുവിള കോടിയാട്ടുമുക്ക് ഊറക്കല്‍ വീട്ടില്‍ ശ്യാംകുമാര്‍ (31) ആണ് മരിച്ചത്. ഇന്നലെ ഉച്ചയോടെ പേരയം ചന്തയ്‌ക്ക് സമീപം അമിതവേഗത്തില്‍ എതിരെ വന്ന ബൈക്ക് ശ്യാം സഞ്ചരിച്ചിരുന്ന ബൈക്കുമായി കൂട്ടിയിടിക്കുകയായിരുന്നു.

 അപകടത്തില്‍ തലയ്‌ക്കേറ്റ ഗുരുതരപരിക്കു മൂലം സംഭവ സ്ഥലത്തുതന്നെ ശ്യാം മരിച്ചു. ഫ്രീലാന്‍സ് ഫോട്ടോഗ്രാഫര്‍ ആയി ജോലി ചെയ്യുകയായിരുന്നു. കുണ്ടറയില്‍ നിന്നും കൊടുവിളയിലെ വീട്ടിലേക്ക് പോകും വഴിയാണ് അപകടം നടന്നത്. ഭാര്യ രമ. മകള്‍ ആദിത്യ.