പെരുമ്പാവൂര്‍: സംസ്ഥാനത്ത് വീണ്ടും കൊറോണ മരണം. വെള്ളിയാഴ്ച ഹൃദയാഘാതം മൂലം മരിച്ച പെരുമ്പാവൂര്‍ പുല്ലുവഴി സ്വദേശിക്ക് കൊറോണ സ്ഥിരീകരിച്ചു. പൊന്നയംമ്പിള്ളില്‍ പി.കെ. ബാലകൃഷ്ണന് നായരാണ് മരിച്ചത്. ഇദ്ദേഹത്തിന്റെ മകന്‍ ആലുവ കെഎസ്ഇബി ഓഫിസിലാണ് ജോലി ചെയ്തിരുന്നത്.
എന്നാല്‍ ബാലകൃഷ്ണന് എവിടെ നിന്നാണെന്ന് വ്യക്തമല്ല. ആരോഗ്യവകുപ്പ് അധികൃതര്‍ ഇദ്ദേഹവുമായി സമ്പര്‍ക്കമുള്ളവരുടെ സ്രവം ശേഖരിച്ചിട്ടുണ്ട്. ആരോഗ്യ വകുപ്പ് അധികൃതര്‍ രായമംഗലം പഞ്ചായത്ത് അധികൃതരെ വിവരമറിയിച്ചു.
തുടര്‍ന്ന് കുറുപ്പംപടി പോലീസും ആരോഗ്യ വകുപ്പും ബാലകൃഷ്ണന്റെ വീട്ടിലെത്തി ബന്ധുക്കളുടെ സ്രവം ശേഖരിച്ചിട്ടുണ്ട്. എറണാകുളം ജില്ലയിലെ മൂന്നാമത്തെ കൊറോണ മരണമാണിത്.
ഹൃദയാഘാതത്തെ തുടര്‍ന്ന് ബാലകൃഷ്ണനെ കോലഞ്ചേരി മെഡിക്കല്‍ കോളേജ് ആശുപത്രിയിലാണ് ചികിത്സയില്‍ പ്രവേശിപ്പിച്ചിരുന്നത്. മരിച്ചശേഷം രോഗം സ്ഥിരീകരിച്ചതിനാല്‍ അധികൃതരെ ഇത് പ്രതിസന്ധിയിലാക്കുന്നുണ്ട്.
പ്രതികരിക്കാൻ ഇവിടെ എഴുതുക: