പാലക്കാട്: ജില്ലയില്‍ കൊറോണ ബാധിച്ച് ചികിത്സയിലുള്ളത് 19 വയോധികരും, 19 കുട്ടികളും. 11 വയോധികര്‍ക്ക് വാര്‍ദ്ധക്യസഹചമായ അസുഖങ്ങള്‍ ഉണ്ടെങ്കിലും ആരോഗ്യസ്ഥിതിയില്‍ ആശങ്കയില്ല. ഒരു വയസുമുതല്‍ 17 വയസുവരെയുള്ള കുട്ടികളാണ് ചികിത്സയിലുള്ളത്.
ഗവ.മെഡിക്കല്‍ കോളേജ്, ജില്ലാ ആശുപത്രി, സ്ത്രീകളുടെയും കുട്ടികളുടെയും ആശുപത്രി, മാങ്ങോട് കേരള മെഡിക്കല്‍ കോളേജ് എന്നിവിടങ്ങളില്‍ ചികിത്സയില്‍ കഴിയുന്നത. 60 വയസ്സിനു മുകളിലുള്ളവര്‍ ജില്ലാ ആശുപത്രിയിലാണുള്ളത്.
കുട്ടികളില്‍ ജില്ലാ ആശുപത്രിയില്‍ നാലുപേരും സ്ത്രീകളുടെയും കുട്ടികളുടെയും ആശുപത്രിയില്‍ 10 പേരും മാങ്ങോട് മെഡിക്കല്‍ കോളേജില്‍ മൂന്നും പാലക്കാട് ഗവ.മെഡിക്കല്‍ കോളേജില്‍ രണ്ടുപേരുമാണ് ഉള്ളത്. കുട്ടികളുടെയും ആരോഗ്യ നില തൃപ്തികരമാണ്. ചിലര്‍ രോഗബാധിതരായ രക്ഷിതാക്കള്‍ക്കൊപ്പമാണ് ചികിത്സയിലുള്ളത്.
പ്രതികരിക്കാൻ ഇവിടെ എഴുതുക: