പാലക്കാട്: ഒരു കുടുംബത്തിലെ നാലുപേര്‍ ഉള്‍പ്പെടെ 25 പേര്‍ക്ക് ഇന്നലെ കൊറോണ സ്ഥിരീകരിച്ചു. ഇതോടെ ചികിത്സയിലുള്ളവരുടെ എണ്ണം 260 ആയി ഉയര്‍ന്നു. രണ്ട് പേര്‍ രോഗമുക്തരായി. കഴിഞ്ഞ മൂന്നുദിവസമായി 20ന് മുകളിലാണ് രോഗികളുടെ എണ്ണം.
രോഗം സ്ഥിരീകരിച്ചവരില്‍ ഏഴുവയസുകാരനും 81 വയസുള്ള വൃദ്ധയും ഉള്‍പ്പെടുന്നു. ഖത്തറില്‍ നിന്നും വന്ന അലനല്ലൂര്‍ കാഞ്ഞിരംപാറ സ്വദേശി (41), ദുബായില്‍ നിന്നെത്തിയ തെങ്കര കൈതച്ചിറ സ്വദേശി (31), ഷൊര്‍ണൂര്‍ ഗണേഷ്ഗിരി സ്വദേശി (54), കടമ്പഴിപ്പുറം സ്വദേശി (38), കുവൈറ്റില്‍ നിന്നും വന്ന അമ്പലപ്പാറ വേങ്ങശ്ശേരി സ്വദേശി (24), തരൂര്‍ അത്തിപ്പറ്റ സ്വദേശി (28), കണ്ണാടി സ്വദേശി (25),അടിപ്പെരണ്ട അയിലൂര്‍ സ്വദേശി (28), കിഴക്കഞ്ചേരി കോരഞ്ചിറ സ്വദേശി(29), മുന്നൂര്‍കോട് പൂക്കോട്ടുകാവ് (34),മുടപ്പല്ലൂര്‍ വണ്ടാഴി സ്വദേശി (51),വണ്ടാഴി കിഴക്കേത്തറ സ്വദേശി (28),വടക്കഞ്ചേരി ആയക്കാട് സ്വദേശി (32),സൗദിയിലെ ദമാമില്‍ നിന്നും വന്ന പട്ടാമ്പി കിഴായൂര്‍ സ്വദേശി (37), ഖത്തറില്‍ നിന്നെത്തിയ കരിമ്പുഴ സ്വദേശി (56) എന്നിവരാണ് വിദേശത്ത് നിന്നെത്തി രോഗം സ്ഥിരീകരിച്ചത്..
മഹാരാഷ്‌ട്രയില്‍ നിന്നെത്തിയ കാരാകുറുശ്ശി സ്വദേശികളായ അമ്മയും(47) മകളും (23), തമിഴ്‌നാട്ടില്‍ നിന്നും വന്ന ശ്രീകൃഷ്ണപുരം വലംപിരിമംഗലം സ്വദേശി (55), പൂക്കോട്ടുകാവ് പരിയാനംപറ്റ സ്വദേശികളായ അമ്മയും(81) മകളും(41), ചെറുമകനും(7), ഇവരുടെ ബന്ധു(21). 41 വയസ്സുകാരിയുടെ മകള്‍ക്ക് 21ന് രോഗം സ്ഥിരീകരിച്ചിരുന്നു. കടമ്പഴിപ്പുറം പുലാപ്പറ്റ സ്വദേശികളായ ദമ്പതികള്‍ക്കും (46,52) മകനും (21) ആണ് രോഗം സ്ഥിരീകരിച്ചത്.
പ്രതികരിക്കാൻ ഇവിടെ എഴുതുക: