കരുനാഗപ്പള്ളി: ധീരസൈനികര്‍ക്ക് കോഴിക്കോട് ഗ്രാമം സ്മരണാഞ്ജലി അര്‍പ്പിച്ചു. വെമ്പിളകാവ് ക്ഷേത്രത്തിന് സമീപം അനില്‍ ഗ്രന്ഥശാല ആന്റ് എസ്എന്‍ ഇന്‍ഫര്‍മേഷന്‍ സെന്ററിന്റെ ആഭിമുഖ്യത്തിലായിരുന്നു പരിപാടി. പ്രദേശത്തെ വിരമിച്ച മുതിര്‍ന്ന സൈനികന്‍ ശങ്കരപിള്ള, വീരബലിദാനി കേണല്‍ സന്തോഷ് ബാബുവിന്റെ ചിത്രത്തിന് മുന്നില്‍ ദീപം തെളിച്ചു. പ്രസിഡന്റ് ശശികുമാര്‍ ഹയോക്‌സ് അധ്യക്ഷത വഹിച്ചു.
ഗ്രന്ഥശാല സെക്രട്ടറി ടി.വി. സനില്‍, കാട്ടൂര്‍ ബഷീര്‍, മുനമ്പത്ത് ഷിഹാബ്, മുന്‍ സൈനിക ഉദ്യോഗസ്ഥന്‍ വര്‍ഗീസ് ഡാനിയല്‍, കൗണ്‍സിലര്‍മാരായ ജി. സാബു, മുനമ്പത്ത് ഗഫൂര്‍ എന്നിവര്‍ സംസാരിച്ചു.
മുന്‍സൈനികരായ ബാലകൃഷ്ണന്‍, സുധാകരന്‍, ദിലീപ്, ഉമേഷ്, ചന്ദ്രബാബു, വര്‍ഗീസ് ഡാനിയല്‍, വനിതാ കമ്മിറ്റി വൈസ് പ്രസിഡന്റ് അമ്പിളി, സെക്രട്ടറി ബിന്ദു, ഗ്രന്ഥശാല ട്രഷറര്‍ അശോകന്‍ അമ്മവീട്, രഘു ഒറ്റത്തെങ്ങില്‍, സന്തോഷ് കുമാര്‍ ഡിജിറ്റല്‍, അനീഷ്, ദീപക്, ആദര്‍ശ്, കൃഷ്ണകുമാര്‍, ഷാനവാസ് പണിക്കര്‍ തുടങ്ങിയവര്‍ പുഷ്പാര്‍ച്ചന നടത്തി.
പ്രതികരിക്കാൻ ഇവിടെ എഴുതുക: