കൊട്ടാരക്കര: കൊട്ടാരക്കര: വൈദ്യുതിചാര്‍ജ് കൊള്ളയില്‍ പ്രതിഷേധിച്ച് പിച്ചച്ചട്ടിയുമായി ബിജെപി രംഗത്ത്. കൊട്ടാരക്കര വൈദ്യുതി ഭവന് മുന്നില്‍ നടന്ന പ്രതിഷേധം ജില്ലാ ജനറല്‍ സെക്രട്ടറി ബി. ശ്രീകുമാര്‍ ഉദ്ഘാടനം ചെയ്തു. മണ്ഡലം പ്രസിഡന്റ് വയയ്‌ക്കല്‍ സോമന്‍, നഗരസഭാ കമ്മിറ്റി പ്രസിഡന്റ് അനീഷ്, അജിത്ത് ചാലൂക്കോണം, ബിനു കാടാംകുളം, രഞ്ജിത്ത്, രാജീവ്, കണ്ണന്‍, അരുണ്‍ എന്നിവര്‍ പങ്കെടുത്തു.
സര്‍ക്കാര്‍ വിദ്യാര്‍ഥികള്‍ക്കായി നടത്തിവരുന്ന ഓണ്‍ലൈന്‍ ക്ലാസുകള്‍ തടസപ്പെടുന്ന വിധത്തില്‍ വൈദ്യുതി ബന്ധം വിച്ഛേദിച്ചതില്‍ പ്രതിഷേധിച്ച് ബിജെപി പ്രവര്‍ത്തകര്‍ ചവറയില്‍ ഇലക്ട്രിസിറ്റി അസിസ്റ്റന്റ് എന്‍ജിനീയര്‍ ഓഫീസിന് മുന്നില്‍ðസമരം നടത്തി.
ഇടപ്പള്ളിക്കോട്ട സബ് സ്റ്റേഷനില്‍ നിന്നുമാണ് ഇന്നലെ രാവിലെ 8.30 മുതല്‍ വൈദ്യുതിബന്ധം വിച്ചേദിച്ചത്. തുടര്‍ന്ന് ബിജെപി ജില്ലാ സെക്രട്ടറി വെറ്റമുക്ക് സോമന്‍, മഹിളാമോര്‍ച്ച ചവറ മണ്ഡലം പ്രസിഡന്റ് ബിന്ദു ബലരാമന്‍, ബിജെപി പന്‍മന പഞ്ചായത്ത് സെക്രട്ടറി രമേശ്, ബിജെപി വടക്കുംതല പഞ്ചായത്ത് പ്രസിഡന്റ് ബലരാമന്‍, പഞ്ചായത്ത് സമിതിഅംഗം സജി എന്നിവര്‍ പ്രതിഷേധിച്ചു.
പ്രതികരിക്കാൻ ഇവിടെ എഴുതുക: