മലപ്പുറം: ജീവനക്കാരന് കൊറോണ സ്ഥിരീകരിച്ചതോടെ മലപ്പുറം ജില്ലയിലെ എടയൂര്‍ ഗ്രാമപഞ്ചായത്ത് ഓഫീസ് പൂര്‍ണമായും അടച്ചിട്ടു. ഓഫീസിലെ ടെക്‌നിക്കല്‍ അസിസ്റ്റന്റായ വളാഞ്ചേരി സ്വദേശിക്കാണ് വൈറസ് ബാധ സ്ഥിരീകരിച്ചത്. ഇയാളുമായി സമ്പര്‍ക്കം പുലര്‍ത്തിയ ഓഫീസിലെ മറ്റ് ജീവനക്കാരുള്‍പ്പെടെ 37 പേരോട് ക്വാറന്റൈനില്‍ പോകാന്‍ ആരോഗ്യവകുപ്പ് നിര്‍ദേശിക്കുകയായിരുന്നു.
ജീവനക്കാരെ കൂടാതെ പഞ്ചായത്ത് മെമ്പര്‍മാര്‍, കൃഷി വകുപ്പ്, എഞ്ചിനീയറിങ്, മൃഗസംരക്ഷണ വകുപ്പ് ഉദ്യോഗസ്ഥരും കുടുംബശ്രീ പ്രവര്‍ത്തകരും നിരീക്ഷണത്തിലാണ്. ഈ അവസ്ഥയില്‍ ഓഫീസ് അടച്ചിടാതെ മറ്റ് മാര്‍ഗ്ഗമില്ലെന്ന് പഞ്ചായത്ത് പ്രസിഡന്റ് കെ.കെ. രാജീവ് പറഞ്ഞു.
പ്രതികരിക്കാൻ ഇവിടെ എഴുതുക: