താമരശ്ശേരി: ഏഴു സെന്റു ഭൂമിയില്‍ രണ്ടു മക്കള്‍ക്കൊപ്പം ഒറ്റമുറിയില്‍ ജീവിതം നയിച്ചിരുന്ന മൂന്നാംതോട് പ്രമോദ് – രജനി ദമ്പതികള്‍ക്ക് ബിജെപി മൂന്നാംതോട് ബൂത്തു കമ്മറ്റിയുടെ നേതൃത്വത്തില്‍ വീട് നിര്‍മ്മിച്ചു നല്‍കുന്നു. രണ്ടാം നരേന്ദ്രമോദി സര്‍ക്കാരിന്റെ ഒന്നാം വാര്‍ഷികത്തിന്റെ ഭാഗമായാണ് ഗൃഹനിര്‍മ്മാണം നടത്തുന്നത്.
എട്ടും, പതിനൊന്നും വയസ്സു പ്രായമുള്ള രണ്ടു മക്കളും ഭാര്യയുമടങ്ങുന്ന കുടുംബം ഇതുവരെ താമസിച്ചിരുന്നത്, സിമന്റുകട്ടയും ഷീറ്റും കൊണ്ടും നിര്‍മ്മിച്ച ഒറ്റമുറി വീട്ടിലായിരുന്നു. സിമന്റുകട്ടകള്‍ കൊണ്ട് ചെറിയൊരു ഉമ്മറവും മറ്റൊരു മുറിയും അടുക്കളയും പാര്‍ട്ടി പ്രവര്‍ത്തകര്‍ ശ്രമദാനമായി നിര്‍മ്മിച്ചു. കവുങ്ങും പനയോലയും ഉപയോഗിച്ച് മേല്‍ക്കൂരകെട്ടി, അതിനു മുകളില്‍ പ്ലാസ്റ്റിക് പായ വിരിച്ചു. വീടിന്റെ പണി അടുത്ത ദിവസങ്ങളില്‍ പൂര്‍ത്തിയാക്കും. എ.പി. ചന്ദ്രന്‍, സി.കെ. വിനീത്, പി.കെ. ഗിരീഷ്, കെ.സി. ബൈജു, എം.ബി. ജിതേഷ്, പി.കെ. ഷാജി എന്നിവര്‍ നേതൃത്വം നല്‍കി. ബിജെപി സംസ്ഥാന കമ്മറ്റി അംഗം ഗിരീഷ് തേവള്ളി സംബന്ധിച്ചു.
പ്രതികരിക്കാൻ ഇവിടെ എഴുതുക: