വടകര: രണ്ട് കിലോയിലധികം കഞ്ചാവുമായി നിരവധി മോഷണക്കേസുകളിലെ പ്രതി എക്‌സൈസ് സംഘ ത്തിന്റെ പിടിയില്‍. കോട്ടപ്പള്ളി പൈങ്ങോട്ടായി പാറേമ്മല്‍ വീട്ടില്‍ അഷ്‌കര്‍ (28) ആണ് അറസ്റ്റിലായത്. 2.05 കി.ഗ്രാം കഞ്ചാവാണ് പിടിച്ചെടുത്തത്.
റെയിഞ്ച് എക്‌സൈസ് ഇന്‍സ്‌പെക്ടറുടെ നേതൃത്വത്തില്‍ ഇന്നലെ രാവിലെ വടകര കൃഷ്ണകൃപ കല്യാണമണ്ഡപത്തിന് മുന്നില്‍ വെച്ച് വാഹന പരിശോധന നടത്തുമ്പോഴാണ് ഇയാള്‍ പിടിയിലാവുന്നത്. കെഎല്‍ 57 ജി 8134 നമ്പര്‍ പള്‍സര്‍ മോട്ടോര്‍ സൈക്കിളില്‍ കടത്തുകയായിരുന്നു കഞ്ചാവ്. നിരവധി വാഹന മോഷണക്കേസുകളില്‍ പ്രതികൂടിയാണ് ഇയാള്‍.
എക്‌സൈസ് പ്രിവന്റീവ് ഓഫീസര്‍ പ്രമോദ് പുളിക്കൂല്‍, സിവില്‍ എക്‌സൈസ് ഓഫീസര്‍മാരായ കെ.കെ. ജയന്‍, എന്‍.എസ.് സുനീഷ് , രാകേഷ് ബാബു , ടി. സനു, ഷിജിന്‍, സന്ദീപ്, ഡ്രൈവര്‍ ബബിന്‍ എന്നിവരും പരിശോധനയില്‍ പങ്കെടുത്തു.
പ്രതികരിക്കാൻ ഇവിടെ എഴുതുക: