അമ്പലപ്പുഴ: അമ്പലപ്പുഴയില്‍ ആര്‍എസ്എസ് പ്രവര്‍ത്തകനും കുടുംബത്തിനും നേരേ കഞ്ചാവ് മാഫിയയുടെ ആക്രമണം. ആര്‍എസ്എസ് ഇരട്ടകുളങ്ങര വ്യാസാ ശാഖാകാര്യവാഹ് പുതുവല്‍ വീട്ടില്‍ കണ്ണന്‍ (24), ഭാര്യ ആര്യ (24), അച്ഛന്‍ പ്രേമന്‍ എന്നിവരെയാണ് പരിസരവാസി കൂടിയായ പുതുവല്‍ വീട്ടില്‍ അഭിഷാഷിന്റെ നേതൃത്വത്തില്‍ എട്ടംഗ സംഘം വീടുകയറി ആക്രമിച്ചത്. അമ്പലപ്പുഴ തെക്ക് പഞ്ചായത്ത് പതിനഞ്ചാം വാര്‍ഡിലാണ് സംഭവം.
കടല്‍ക്ഷോഭത്തെ തുടര്‍ന്ന് പൂര്‍ണ്ണമായും,ഭാഗികമായും തകര്‍ന്ന കെട്ടിടങ്ങള്‍ പ്രദേശത്ത് നിരവധി ഉള്ളതിനാല്‍ ഇവിടം കേന്ദ്രീകരിച്ച് കഞ്ചാവ് വില്പനയും അനാശാസ്യ പ്രവര്‍ത്തനങ്ങളും തുടര്‍കഥയാണ്. ഇതു ചോദ്യം ചെയ്തതാണ് കണ്ണനെ ആക്രമിക്കാന്‍ കാരണം. അച്ഛന്‍ പ്രേമന്‍ ബിജെപി പഞ്ചായത്ത് കമ്മിറ്റി അംഗം കൂടിയാണ്. അഭിലാഷും സംഘവുമാണ് തന്നെ ആക്രമിച്ചതെന്ന് കാട്ടി കണ്ണന്‍ അമ്പലപ്പുഴ പോലീസില്‍ പരാതി നല്‍കി.
കഞ്ചാവ് വില്പനയെ ചോദ്യം ചെയ്തതില്‍ പ്രകോപിതനായ ഇയാളും സംഘവും കണ്ണനേയും ഭാര്യ ആര്യയേയും അച്ചന്‍ പ്രേമനേയും വീടുകയറി ആക്രമിക്കുകയായിരുന്നു. പരിക്കേറ്റ ഇവരെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു .
പ്രതികരിക്കാൻ ഇവിടെ എഴുതുക: