ന്യൂദൽഹി: കൊവിഡ് ബാധിച്ച് ദൽഹിയിൽ മലയാളി നഴ്സ് മരിച്ചു. കോട്ടയം വള്ളിക്കോട് സ്വദേശി അംബിക(46) യാണ് സഫ്ദര്‍ജങ് ആശുപത്രിയില്‍ ചികിത്സയില്‍ ഇരിക്കെ മരിച്ചത്.
രണ്ട് ദിവസം മുമ്പാണ് ഇവരെ ആശുപത്രിയിൽ പ്രവേശിപ്പിച്ചത്. ഭർത്താവ് സനിൽകുമാർ മലേഷ്യയിലാണ്. അഖിൽ, ഭാഗ്യ എന്നിവർ മക്കളാണ്. രാജ്യത്ത് കോവിഡ് വ്യാപനത്തില്‍ ഇതുവരെയുള്ളതില്‍ വെച്ച്‌ ഏറ്റവും കൂടുതല്‍ കേസുകള്‍ കഴിഞ്ഞ 24 മണിക്കൂറിനിടെ റിപ്പോര്‍ട്ട് ചെയ്തു. 6767 പേ൪ക്കാണ് രോഗം സ്ഥിരീകരിച്ചത്. 147 മരണം കൂടി റിപ്പോര്‍ട്ട് ചെയ്തു.
രാജ്യത്തെ ആകെ കോവിഡ് കേസുകള്‍ ഒരു ലക്ഷത്തി മുപ്പത്തിയൊന്നായിരത്തി എണ്ണൂറ്റി അറുപത്തിയെട്ടായി . മുംബൈയിലെ മാത്രം മരണം 949 ആയി ഗുജറാത്തില്‍ മരണം 829, രാജസ്ഥാനില്‍ 52 ഉം ഒഡീഷയില്‍ 62 പേര്‍ക്കും കോവിഡ് സ്ഥിരീകരിച്ചു.
പ്രതികരിക്കാൻ ഇവിടെ എഴുതുക: