കോഴിക്കോട്: എസ്എസ്എല്‍സി, പ്ലസ്ടു പരീക്ഷകള്‍ ലോക്ഡൗണ്‍ കാലത്ത് നടത്താനുള്ള സംസ്ഥാന സര്‍ക്കാര്‍ തീരുമാനം തീക്കൊള്ളികൊണ്ട് തലചൊറിയുന്നതു പോലെയാണെന്ന് യുവമോര്‍ച്ച സംസ്ഥാന പ്രസിഡന്റ് സി.ആര്‍. പ്രഫുല്‍ കൃഷ്ണന്‍.
ലോക്ഡൗണില്‍ വിദ്യാലയങ്ങള്‍ പ്രവര്‍ത്തിക്കരുതെന്ന കര്‍ശന നിര്‍ദ്ദേശം ഉണ്ടായിട്ടും പരീക്ഷകള്‍ നടത്താനുള്ള സര്‍ക്കാര്‍ തീരുമാനം അപകടം ക്ഷണിച്ചു വരുത്തും. കേന്ദ്ര നിര്‍ദ്ദേശങ്ങള്‍ അട്ടിമറിക്കുന്ന പിണറായി സര്‍ക്കാര്‍ സംസ്ഥാനത്തെ ജനങ്ങളുടെ ജീവന്‍ കൊണ്ടാണ് പന്താടുന്നത്.
പരീക്ഷകള്‍ സംബന്ധിച്ച തീരുമാനം സര്‍ക്കാര്‍ പുനഃപരിശോധിക്കണം. ഈ ആവശ്യം ഉന്നയിച്ച് ഇന്ന് സംസ്ഥാന വ്യാപകമായി യുവമോര്‍ച്ച വിദ്യാഭ്യാസ ഓഫീസുകള്‍ക്ക് മുന്നില്‍ ലോക്ഡൗണ്‍ മാനദണ്ഡങ്ങള്‍ പാലിച്ച് പ്രതിഷേധം സംഘടിപ്പിക്കുമെന്ന് അദ്ദേഹം പ്രസ്താവനയില്‍ അറിയിച്ചു.
പ്രതികരിക്കാൻ ഇവിടെ എഴുതുക: