കറാച്ചി: അഴിമതി വിരുദ്ധ ചട്ടം ലംഘിച്ചതിന് മൂന്ന് വര്‍ഷത്തെ വിലക്ക് ഏറ്റുവാങ്ങിയ പാക് ബാറ്റ്‌സ്മാന്‍ ഉമര്‍ അക്മലിനെ വിമര്‍ശിച്ച് മുന്‍ പാക് താരം റമീസ് രാജ.
വിഡ്ഢികളുടെ പട്ടികയില്‍ സ്വന്തം പേരുകൂടി എഴുതിചേര്‍ത്തിരിക്കുകയാണ് അക്മല്‍ എന്ന് റമീസ് രാജ പറഞ്ഞു. പാഴായിപ്പോയ പ്രതിഭയാണ് ഈ യുവതാരമെന്നും രാജ ട്വിറ്ററില്‍ കുറിച്ചു.
മൂന്ന് വര്‍ഷത്തെ വിലക്കിലൂടെ അക്മല്‍ വിഡ്ഢികളുടെ പട്ടികയില്‍ ഔദ്യോഗികമായി സ്വന്തം പേര് ഏഴുതിചേര്‍ത്തിരിക്കുകയാണ്. വാതുവെപ്പിനെതിരെ പാക്കിസ്ഥാന്‍ നിയമനിര്‍മാണം നടത്തണമെന്നും റമീസ് രാജ ആവശ്യപ്പെട്ടു.
ക്രിക്കറ്റിലെ വാതുവെപ്പ് അവസാനിപ്പിക്കാന്‍ ക്രിക്കറ്റുമായി ബന്ധപ്പെട്ട എല്ലാവരും മുന്നോട്ടുവരണമെന്നും രാജ പറഞ്ഞു.
അഴിമതി വിരുദ്ധ നിയമം ലംഘിച്ചതിനാണ് ഉമര്‍ അക്മലിനെ മൂന്ന് വര്‍ഷത്തേക്ക വിലക്കിയിരിക്കുന്നത്. വാതുവെപ്പുകാര്‍ സമീപിച്ച വിവരം കൃത്യസമയത്ത്് അധികാരികളെ അറിയിക്കാതിരുന്നതാണ് ഉമര്‍ അക്മല്‍ ചെയ്ത കുറ്റം.
പ്രതികരിക്കാൻ ഇവിടെ എഴുതുക: