കാസര്‍കോട്: സംസ്ഥാനം കടുത്ത സാമ്പത്തിക പ്രതിസന്ധി നേരിടുമ്പോഴും ധൂര്‍ത്തും ആഡംബരവും തുടരുന്ന മുഖ്യമന്ത്രിക്കും മറ്റു മന്ത്രിമാര്‍ക്കും ഇന്ന് തൂവാലകള്‍ അയച്ച് കൊണ്ട് യുവമോര്‍ച്ച കാസര്‍കോട് ജില്ലാ കമ്മറ്റി പ്രതിഷേധിക്കും.
കോവിഡ് ദുരന്തത്തിന്റെ പശ്ചാത്തലത്തില്‍ സര്‍ക്കാര്‍ ആരോഗ്യ പ്രവര്‍ത്തകരുടെയടക്കം ശമ്പളം പിടിച്ച് വാങ്ങുമ്പോഴും സര്‍ക്കാര്‍ ഖജനാവില്‍ നിന്ന് വന്‍ തുക മുടക്കി മന്ത്രിമാര്‍ക്ക് തൂവാലയും തോര്‍ത്തും വാങ്ങുന്നത് അംഗീകരിക്കാന്‍ കഴിയില്ല. ഇതില്‍ ശക്തമായ പ്രതിഷേധം രേഖപ്പെടുത്തിക്കൊണ്ട് യുവമോര്‍ച്ച ജില്ലാ കമ്മറ്റിയുടെ നേതൃത്വത്തില്‍ മന്ത്രിമാര്‍ക്ക് തൂവാലകളും തോര്‍ത്തും അയച്ച് കൊടുത്തു പ്രതിഷേധിക്കും.
പ്രതിഷേധ പരിപാടി ഇന്ന് ബിജെപി ജില്ലാ പ്രസിഡന്റ് അഡ്വ.കെ.ശ്രീകാന്ത് ഉദ്ഘാടനം ചെയ്യുമെന്ന് യുവമോര്‍ച്ച ജില്ലാ പ്രസിഡന്റ് ധനജ്ഞയന്‍ മധൂര്‍ അറിയിച്ചു.
പ്രതികരിക്കാൻ ഇവിടെ എഴുതുക: