ഹോ‌​ട്ട്സ്പോ​ട്ട് പ്രദേശത്ത് നിന്നും ഏ​ത് രോ​ഗ​ത്തി​നു ചി​കി​ത്സ​തേ​ടി​യാ​ലും കൊ​വി​ഡ് രോഗ പ​രി​ശോ​ധ​ന നടത്തും

തി​രു​വ​ന​ന്ത​പു​രം: സം​സ്ഥാ​ന​ത്തെ കൊ​വി​ഡ് ഹോ‌​ട്ട്സ്പോ​ട്ട് പ്രദേശങ്ങളില്‍ നിന്ന് ഏ​ത് രോ​ഗ​ത്തി​നു ചി​കി​ത്സ​തേ​ടി​യാ​ലും കൊ​വി​ഡ് രോഗ പ​രി​ശോ​ധ​ന ന​ട​ത്താ​നും തീ​രു​മാ​നം. കൊവിഡ് രോ​ഗ​ല​ക്ഷ​ണ​ങ്ങ​ള്‍ ഇ​ല്ലാ​ത്ത​വ​രി​ലും വൈ​റ​സ് ബാ​ധ​യുടെ സാന്നിധ്യമുണ്ടോയെന്ന് അ​റി​യാ​നാ​ണ്  പ​രി​ശോ​ധ​ന ന​ട​ത്തു​ന്ന​ത്. കൊവി​ഡ് രോഗല​ക്ഷ​ണ​ങ്ങ​ള്‍ ഇ​ല്ലാ​ത്ത​വ​രി​ലും രോ​ഗം സ്ഥി​രീ​ക​രി​ച്ചതിന്റെ പശ്ചാത്തലത്തിലാണ് നടപടി.

സംസ്ഥാനത്തെ ഹോ​ട്ട്സ്പോ​ട്ട് മേഖലകളില്‍ നി​ന്ന് രോഗവ്യാപനത്തിനുള്ള സാ​ധ്യ​ത സം​സ്ഥാ​ന​ സ​ര്‍​ക്കാ​ര്‍ രൂ​പീ​ക​രി​ച്ച വി​ദ​ഗ്ധ സ​മി​തി ചൂ​ണ്ടി​ക്കാ​ട്ടി​യി​രു​ന്നു. സാ​മൂ​ഹി​ക വ്യാ​പ​ന സാ​ധ്യ​തകണക്കിലെടുത്താണ് ഈ ​മേ​ഖ​ല​ക​ളി​ല്‍ നി​ന്ന് ചി​കി​ത്സ തേ​ടു​ന്ന എ​ല്ലാ രോ​ഗി​ക​ളേ​യും പ​രി​ശോ​ധിക്കാന്‍ തീ​രു​മാ​നി​ച്ച​ത്. ശസ്ത്രക്രിയ അടക്കം ചികില്‍സക്കെത്തുന്ന രോഗികളെ പരിശോധിക്കും.

വിദേശത്തുനിന്ന വന്ന എല്ലാവരേയും പരിശോധിക്കുന്നതിനൊപ്പം ഇതര സംസ്ഥാനങ്ങളില്‍ നിന്നെത്തുന്നവരേയും പരിശോധിക്കാൻ തീരുമാനിച്ചിട്ടുണ്ട്. അതിര്‍ത്തികള്‍ വഴി തമിഴ്നാട്ടില്‍ നിന്നും കര്‍ണാടകയിൽ നിന്നും വന്ന പലര്‍ക്കും രോഗം സ്ഥിരീകരിച്ചതോടെയാണ് ഈ തീരുമാനം.