തിരുവനന്തപുരം: കൊറോണ പ്രതിരോധത്തിന് അദാനി പ്രധാനമന്ത്രി കെയേഴ്‌സ് ഫണ്ടിലേക്ക് നൂറു കോടി രൂപ സംഭാവന നല്‍കി. ഗൗതം അദാനി തന്റെ ട്വിറ്ററിലൂടെയാണ് ഈ സംഭാവനയെ കുറിച്ച് അറിയിച്ചത്. പൊതു സ്ഥലങ്ങളില്‍ വാട്ടര്‍ ടാപ്പുകള്‍ സ്ഥാപിക്കുക, കമ്യൂണിറ്റി കിച്ചണുകള്‍ക്ക് സൗകര്യങ്ങള്‍ ഒരുക്കുക, സാനിറ്റൈസറുകളും പുനരുപയോഗിക്കാവുന്ന മാസ്‌ക്കുകളും വിതരണം ചെയ്യുക, ബോധവല്‍ക്കരണ പരിപാടികള്‍ സംഘടിപ്പിക്കുക തുടങ്ങിയ പ്രവര്‍ത്തനങ്ങളും അദാനി ഫൗണ്ടേഷന്‍ നടത്തുന്നുണ്ട്.
വിവിധ സംസ്ഥാന സര്‍ക്കാരുകളും എന്‍ജിഒകളും നടത്തുന്ന പ്രവര്‍ത്തനങ്ങള്‍ക്ക് അദാനി ഗ്രൂപ്പ് പിന്തുണ നല്‍കുന്നു. കേരള, ഗുജറാത്ത് മുഖ്യമന്ത്രിയുടെ ദുരിതാശ്വാസ നിധിയിലേക്കും അഞ്ചു കോടി രൂപ വീതം നല്‍കി. മഹാരാഷ്‌ട്രയ്‌ക്ക് ഒരു കോടിയും സംഭാവന ചെയ്തു. അദാനി പവര്‍ ഝാര്‍ഖണ്ഡ് ദുരിതാശ്വാസ നിധിയിലേക്ക് ഒരു കോടിയും ആന്ധ്രാ പ്രദേശിന് അദാനി ഫൗണ്ടേഷന്‍ രണ്ടു കോടി രൂപയും നല്‍കി.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: