മാഡ്രിഡ്: സൂപ്പര്‍ സ്റ്റാര്‍ നെയ്മര്‍ക്ക് ഏതു സമയത്തും ബാഴ്‌സലോണയിലേക്ക് തിരിച്ചുവരാമെന്ന്് സ്പാനിഷ് സ്‌ട്രൈക്കര്‍ ലൂയി സുവാരസ്. നെയ്മറെ എല്ലായേപ്പോഴും ബാഴ്‌സലോണയിലേക്ക് സ്വാഗതം ചെയ്യുമെന്ന് ബാഴ്‌സ താരമായ ലൂയി സുവാരസ് പറഞ്ഞു. നെയ്മറുടെ കഴിവിനെക്കുറിച്ച്് തര്‍ക്കമൊന്നുമില്ല. ഇനിയം ഏറെ മികച്ച പ്രകടനങ്ങള്‍ കാണിക്കാന്‍ അദ്ദേഹത്തിന് കഴിയും. ഞങ്ങള്‍ അദ്ദേഹത്തെ ബാഴ്‌സലോണയിലേക്ക് സ്വാഗതം ചെയ്യുകയാണ്, കാല്‍മുട്ടിലെ പരിക്കിന് ശസ്ത്രക്രിയയ്‌ക്ക് വിധേയനായ സുവാരസ് വെളിപ്പെടുത്തി.
കൊറോണ വ്യാപനത്തിന്റെ പശ്ചാത്തലത്തില്‍ ബാഴ്‌സ ദുരിതത്തിലാണ്. എന്നിരുന്നാലും വമ്പന്മാരായ കളിക്കാരെക്കുറിച്ച് ഞാന്‍ സംസാരിക്കും. ഇന്റര്‍മിലാന്റെ ഇരുപത്തിരണ്ടുകാരനായ മാര്‍ട്ടിനസും ബാഴ്‌സലോണയിലേക്ക് ചേക്കേറുന്നതായി അഭ്യൂഹം നിലവിലുണ്ട്. മിന്നല്‍ വേഗത്തില്‍ കുതിക്കുന്ന മാര്‍ട്ടിനസ് മികച്ച സ്‌ട്രൈക്കറാണെന്ന് സുവാരസ് പറഞ്ഞു. ബാഴ്‌സ താരമായിരുന്ന നെയ്മര്‍ 2017ലാണ് വമ്പന്‍ തുകയ്‌ക്ക്് പാരീസ് സെന്റ് ജര്‍മന്‍സിലേക്ക് ചേക്കേറിയത്. നെയ്മര്‍ ബാഴ്‌സയിലേക്ക് തിരിച്ചുവരാന്‍ തയ്യാറെടുക്കുകയാണ്.
പ്രതികരിക്കാൻ ഇവിടെ എഴുതുക: