ന്യൂദല്‍ഹി: കശ്മീരില്‍ നിയന്ത്രണ രേഖയ്‌ക്ക് സമീപം നടന്ന ഏറ്റുമുട്ടലില്‍ അഞ്ച് പാക് ഭീകരരെ വധിച്ചു. ഉയര്‍ന്ന മഞ്ഞ് മൂടികിടക്കുന്ന പ്രദേശത്തായിരുന്നു ഏറ്റുമുട്ടല്‍. കരസേനയുടെ പ്രത്യേക വിഭാഗത്തിലപ്പെട്ട അഞ്ച് സൈനികരും വീരമൃത്യു വരിച്ചിട്ടുണ്ട്.
സഞ്ജീവ് കുമാര്‍, ബാല്‍ കൃഷ്ണ, ദേവേന്ദ്ര സിങ്, അമിത് കുമാര്‍, ഛത്രപാല്‍ സിങ് എന്നീ സൈനികരാണ് മരിച്ചത്. മഞ്ഞ് മൂടിയ പ്രദേശത്ത് പ്രത്യേക കാല്‍പാട് കണ്ടതോടെ തിരച്ചിലിനിറങ്ങുകയായിരുന്നു. ഇതിനിടെയാണ് ഏറ്റുമുട്ടല്‍ ഉണ്ടായത്. മഞ്ഞ് വീണ് വഴികള്‍ അടഞ്ഞതിനാല്‍ സാഹസികമായാണ് സൈനികര്‍ ഏറ്റുമുട്ടല്‍ നടത്തിയത്. നേരത്തെ ഭീകരരുടെ സൂചന ലഭിച്ചതിനെ തുടര്‍ന്ന് സൈനികര്‍ ജാഗ്രതയിലായിരുന്നു. ഏപ്രില്‍ ഒന്നിന് ഇവരുടെ ചില ആയുധങ്ങളും ബാഗുകളും കണ്ടെടുത്തിരുന്നു.
പ്രതികരിക്കാൻ ഇവിടെ എഴുതുക: