തിരുവനന്തപുരം: പരിഹസിക്കാനും ട്രോളിനും വേറെ വിഷയം തെരഞ്ഞെടുക്കാനും കൊവിഡ് ബാധിതരെ പരിചരിക്കുന്നവരെ കുറിച്ച് അഞ്ച് നിമിഷമെങ്കിലും ഓര്‍ക്കാനും ആഹ്വാനം ചെയ്ത് ബിജെപി സംസ്ഥാന അധ്യക്ഷന്‍ കെ. സുരേന്ദ്രന്‍.
സ്വന്തം ജീവനുവരെ അപകടം സംഭവിച്ചേക്കാമെന്നറിഞ്ഞിട്ടും നമ്മുടെ ഡോക്ടര്‍മാരും നഴ്‌സുമാരും ആശുപത്രി ജീവനക്കാരും മറ്റ് ആരോഗ്യപ്രവര്‍ത്തകരും കൊവിഡ് ബാധിതരെ എത്ര സ്‌നേഹത്തോടെയും കരുതലോടെയുമാണ് പരിചരിക്കുന്നത്. വ്യക്തിപരമായി ഒന്നും ചെയ്തുകൊടുക്കാന്‍ കഴിഞ്ഞില്ലെങ്കിലും നമുക്കെല്ലാം ഒന്നിച്ചു നിന്ന് അഞ്ചുനിമിഷം അവരെ ഓര്‍ത്തുകൂടെയെന്നും സുരേന്ദ്രന്‍ ചോദിക്കുന്നു.
ഫെയ്‌സ്ബുക്ക് പോസ്റ്റിന്റെ പൂര്‍ണരൂപം:
സ്വന്തം ജീവനുവരെ അപകടം സംഭവിച്ചേക്കാമെന്നറിഞ്ഞിട്ടും നമ്മുടെ ഡോക്ടര്‍മാരും നഴ്‌സുമാരും ആശുപത്രി ജീവനക്കാരും മറ്റ് ആരോഗ്യപ്രവര്‍ത്തകരും കൊവിഡ് ബാധിതരെ എത്ര സ്‌നേഹത്തോടെയും കരുതലോടെയുമാണ് പരിചരിക്കുന്നതെന്ന് നാം ഓര്‍മ്മിക്കാറുണ്ടോ? അവര്‍ക്കും കുഞ്ഞുങ്ങളും പ്രായമായ ബന്ധുക്കളും ഉണ്ടാവില്ലേ? വ്യക്തിപരമായി ഒന്നും ചെയ്തുകൊടുക്കാന്‍ കഴിഞ്ഞില്ലെങ്കിലും നമുക്കെല്ലാം ഒന്നിച്ചു നിന്ന് അഞ്ചുനിമിഷം അവരെ ഓര്‍ത്തുകൂടെ? ആദരിക്കാനായി ഒന്നു കയ്യടിച്ചുകൂടെ? പരിഹസിക്കാനും ട്രോളാനും വേറെ ആയിരം വിഷയങ്ങള്‍ തെരഞ്ഞെടുത്തുകൂടെ? …….വരൂ വൈകുന്നേരം അഞ്ചുമണിക്ക് എല്ലാവരും സ്വന്തം വീടിന്റെ ഉമ്മറത്തുവന്നുനിന്ന് അവരെ ഓര്‍ക്കൂ.. ആദരിക്കൂ…കയ്യടിച്ചു പ്രോത്സാഹിപ്പിക്കൂ…
പ്രതികരിക്കാൻ ഇവിടെ എഴുതുക: