കോട്ടയം: കേന്ദ്രസര്‍ക്കിരിനും പ്രധാനമന്ത്രി നരേന്ദ്രമോദിക്കും എതിരെ വ്യാജവാര്‍ത്തകള്‍ സൃഷ്ടിക്കാന്‍ രാജ്യത്ത് 34 ഓണ്‍ലൈന്‍ മാധ്യമങ്ങള്‍ കൈപ്പറ്റുന്നത് ലക്ഷങ്ങള്‍. കേരളത്തില്‍ നിന്നും അഴിമുഖവും ഡ്യൂള്‍ ന്യൂസും സഹായം കൈപ്പറ്റുന്നു. ബാഗ്ലൂര്‍ കേന്ദ്രമായി പ്രവര്‍ത്തിക്കുന്ന ഇന്‍ഡിപെന്റഡ് ആന്‍ഡ് പബ്ലിക്ക് സ്പിരിറ്റഡ് മീഡിയ ഫൗണ്ടേഷന്‍ (ഐപിഎസ്എംഎഫ്) എന്ന എന്‍ജിഒയാണ് ഇവര്‍ക്ക് പണം നല്‍കുന്നത്.
ഹിന്ദിയിലും ഇംഗ്ലീഷിലും വിവിധ പ്രാദേശിക ഭാഷയിലും പ്രസിദ്ധീകരിക്കുന്നതാണ് ഈ ഓണ്‍ലൈന്‍ മാധ്യമങ്ങള്‍. നിരന്തരം ബിജെപിക്കും നരേന്ദ്രമോദിക്കും ആര്‍എസ്എസിനും എതിരെ യാതൊരു അടിസ്ഥാനവും ഇല്ലാതെ വ്യാജവാര്‍ത്ത സൃഷ്ടിക്കുന്നതില്‍ വിരുതന്മാരായ ദി കാരവന്‍, ദി പ്രിന്റ്, ദി വയര്‍, ദി ന്യൂസ് മിനുട്ട് എന്നി ഓണ്‍ലൈന്‍ മാധ്യമങ്ങള്‍ ഇവരില്‍ നിന്നും സഹായം കൈപ്പറ്റുന്നു. ഒന്നാം നില മില്ലേഴ്സ് റോഡ്, ഹൈ ഗ്രൗഡ്സ്, ബാംഗ്ലൂര്‍-560052 എന്ന വിലാസത്തില്‍ 2015 ജൂലൈ ഒന്നിനാണ് ഈ എന്‍ജിഒ രൂപീകരിച്ചത്. ഓണ്‍ലൈന്‍ മാധ്യമങ്ങളുടെ സ്വാധീനം മുന്നില്‍ക്കണ്ടാണ് സഹായം.
നരേന്ദ്രമോദി സര്‍ക്കാര്‍ അധികാരത്തില്‍ കയറിയതിന് ശേഷമാണ് ഈ എന്‍ജിഒ രൂപീകരിച്ച് ഓണ്‍ലൈന്‍ മാധ്യമങ്ങള്‍ക്ക് സഹായം നല്‍കുന്നത്. ബീഫ് വിവാദവും ബിജെപി ഭരിക്കുന്ന സംസ്ഥാനത്ത് നടക്കുന്ന ചെറിയ ഒറ്റപ്പെട്ട സംഭവങ്ങളെ പര്‍വ്വതീകരിച്ച് ജനങ്ങളില്‍ തെറ്റിദ്ധാരണ പരത്താനാണ് ഈ ഓണ്‍ലൈന്‍ മാധ്യമങ്ങള്‍ ശ്രമിക്കുന്നത്. ജിഹാദികളും അര്‍ബന്‍ നക്സലുകളും ദളിത് ആക്ടിവിസ്റ്റുകളും ഇടതുപക്ഷ ബുദ്ധിജീവികളും ഈ ഓണ്‍ലൈന്‍ മാധ്യമങ്ങളുടെ പ്രധാനപ്പെട്ട ഗുണഭോക്താക്കളാണ്.
കേന്ദ്രസര്‍ക്കാരിനെതിരെയും മോദിക്കെതിരെയും വ്യാജവാര്‍ത്ത സൃഷ്ടിച്ച് അത് രാജ്യത്താകെ മാധ്യമങ്ങളില്‍ ചര്‍ച്ചയാക്കാനുള്ള തന്ത്രവും ഇവര്‍മെനയുന്നു. ബിജെപിയുടെ ഭരണത്തില്‍ ദളിതര്‍ക്കും മുസ്ലീം സമൂഹത്തിനും രക്ഷയില്ലെന്ന വാര്‍ത്തയാണ് ഇവര്‍ ആദ്യം പരീക്ഷിച്ചത്. ആയോധ്യ കോടതിവിധിയും പൗരത്വ ബില്ലും പൗരത്വ രജിസ്റ്ററും മുസ്ലീം സമൂൂഹത്തിനെതിരെന്ന വാര്‍ത്ത സൃഷ്ടിക്കുന്നതില്‍ ഓണ്‍ലൈന്‍ മാധ്യമങ്ങള്‍ വലിയ ഗൂഢാലോചനയാണ് നടത്തിയത്.
ഹിന്ദു വിശ്വാസത്തിനെതിരെയും ആചാര അനുഷ്ഠാനങ്ങള്‍ക്കെതിരെയും വാര്‍ത്തസൃഷ്ടിക്കുക എന്നതും ഇവരുടെ ലക്ഷ്യമാണ്. ഐപിഎസ്എംഎഫിന്റെ സഹായം കൈപ്പറ്റുന്നവര്‍ എത്രവ്യാജ വാര്‍ത്ത ചെയ്തു എന്നും വിശദമാക്കുന്നുണ്ട്. ഇവരുടെ സഹായം പറ്റുന്ന മാധ്യമങ്ങള്‍ 2019ല്‍ മാത്രം കേന്ദ്രസര്‍കക്കാരിനും സംഘപരിവാറിനും എതിരെ 836 വ്യാജവാര്‍ത്തകള്‍ സൃഷ്ടിച്ചു. ദി വയര്‍ 142ഉം, ദി കാരവന്‍ 58ഉം, ദി പ്രിന്റ് 43ഉം, അഴിമുഖം 150ഉം, ദി ന്യൂസ് മിനുട്ട് 35ഉം, ഡ്യൂള്‍ ന്യൂസ് 93 വാര്‍ത്തകളാണ് സൃഷ്ടിച്ചത്. പൗരത്വ ബില്ലിനെതിരെ വിവിധ സംസ്ഥാനത്ത് 684 സമ്മേളനങ്ങളും അനുകൂലിച്ച് 116 സമ്മേളനങ്ങളും നടന്നതായി ഇവര്‍ രേഖപ്പെടുത്തിയിട്ടുണ്ട്.
പൗരത്വ ബില്ലിനും പൗരത്വ രജിസ്റ്ററിനും എതിരെ വളരെ തന്ത്രപരമായി വ്യാജ വാര്‍ത്തസൃഷ്ടിക്കാനാണ് ഈ ഓണ്‍ലൈന്‍ മാധ്യമങ്ങള്‍ ശ്രമിച്ചതും. അവരെ സഹായിക്കുന്നവരുടെ ലക്ഷ്യവും അതായിരുന്നു. മുന്‍ സുപ്രീം കോടതി ചീഫ് ജസ്റ്റിസ് രന്ജന്‍ ഗോഗോയിക്കെതിരെയുള്ള ലൈംഗീത അതിക്രമ പരാതിയും ഈ മാധ്യമങ്ങള്‍ വളരെ വിദ്ഗ്‌ദ്ധമായി ഉപയോഗിച്ചു. ഇവരുടെ വലയില്‍ ഉന്നത സാധാരണക്കാര്‍ മുതല്‍ ഉന്നത ഉദ്യോഗസ്ഥന്മാര്‍, നീതിപാലകന്മാര്‍, നിയമപാലകന്മാര്‍, ബുദ്ധിജീവികള്‍, സാഹിത്യകാരന്മാര്‍, സിനിമാ പ്രവര്‍ത്തകര്‍, ആക്ടിവിസ്റ്റുകള്‍ എന്നിങ്ങനെ വലിയൊരു ശൃംഖലതന്നയുണ്ട്. ഇന്ത്യയില്‍ ഓരോ നിമിഷവും ഓരോ വ്യാജവാര്‍ത്തകളാണ് ഇവര്‍ പടച്ചുവിടുന്നത്. ഇതൊക്കെ രാജ്യത്തെ ഛിന്നഭിന്നമാക്കാനുള്ള ഗൂഢാലോചനയുടെ ഭാഗമാണ്.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: