കുമ്മനം ആസ്ടേലിയയ്‌ക്ക്, കേരള ഹിന്ദു സൊസൈറ്റിയുടെ ഓണാഘോഷത്തിൽ പങ്കെടുക്കും

മെൽബൺ:  ഒരാഴ്ചത്തെ സന്ദർശനത്തിനായി മുൻ മിസോറാം ഗവർണർ കുമ്മനം രാജശേഖരൻ 12 ന് മെൽബണിൽ എത്തും. കേരള ഹിന്ദു സൊസൈറ്റിയുടെ ഓണാഘോഷ പരിപാടിയ്‌ക്കായെത്തുന്ന കുമ്മനം മെൽബണിലും സിസ്നിയിലുമായി ഒരു ഡസനോളം പരിപാടികളിൽ കൂടി പങ്കെടുക്കും . 

12 ന് വിക്ടോറിയ പാർലമെന്റ് സന്ദർശിക്കുന്ന കുമ്മനം അന്നു തന്നെ ഇന്ത്യൻ ഡോക്ടർമാരുടെ യോഗത്തിലും പങ്കെടുക്കും , 13 ന് ആസ്ട്രേലിയയിലെ ആദ്യത്തെ ഹിന്ദു പാർലമെന്റ് അംഗം കൗശല്യ വഗേലയുമായി കൂടിക്കാഴ്ച നടത്തും . 14 ന് ഓവർസീസ് ഫ്രണ്ട് ഓഫ് ബിജെപി യുടെ പരിപാടിയിലും വിശ്വ ഹിന്ദു പരിഷത്തിന്റെ രക്ഷാബന്ധൻ ചടങ്ങിലും പങ്കെടുക്കും.  15 ന് മെൽബൺ ഹിന്ദു സൊസൈറ്റിയുടെ ഓണാഘോഷത്തിലും ഹിന്ദു സ്വയം സേവക് സംഘ് ശാഖയിലും പകെടുക്കും.

16 ന് ഇന്ത്യൻ കോൺസിലേറ്റും 17 ന് ഗീലോങ് ഇസ്ക്കാൺ ഗോശാലയും കുമ്മനം സന്ദർശിക്കും. 18 മുതൽ 20 വരെ സിഡ്നിയിൽ വിവിധ സംഘടനകളുടെ പരിപാടിയിൽ പങ്കെടുക്കും.