വഹത്യംബ സ്തംബേരമദനുജകുംഭപ്രകൃതിഭിഃ
സമാരബ്ധാം മുക്താമണിഭിരമലാം ഹാരലതികാം
കുചാഭോഗോ ബിംബാധരരുചിഭിരന്തഃ ശബലിതാം
പ്രതാപാവ്യാമിത്രാം പുരദമയിതുഃ കീര്‍തിമിവതേ
(ഹേ) അംബേ! – അല്ലയോ അമ്മേ!
കുചാഭാഗഃ – മുലത്തടം
സ്തംബേരമദനുജകുംഭ പ്രകൃതിഭിഃ – സ്തംബേരമദനുജന്റെ – ഗജാസുരന്റെ -മസ്തകത്തിലുണ്ടായ
മുക്താമണിഭി സമാരബ്ധാം – മുത്തുമണികളാല്‍ നിര്‍മിക്കപ്പെട്ട
അമലാം ഹാരലതികാം – നിര്‍മലമായ മുത്തുമാലയെ
ബിംബാധരരുചിഭി – തൊണ്ടിപ്പഴത്തിന്റെ ശോഭയുള്ള അധരത്തിന്റെ കാന്തിയാല്‍
അന്തഃശബളിതാം -ഉള്ളില്‍ ചിത്രവര്‍ണ്ണത്തോടുകൂടിയ
പ്രതാപവ്യാമിശ്രാം – പ്രതാപത്തോടെയുള്ള
പുരദമയിതുഃ – പുരദമനന്റെ – പരമേശ്വരന്റെ
കീര്‍ത്തിം ഇവ വഹതി – കീര്‍ത്തി എന്നപോലെ വഹിക്കുന്നു.
അല്ലയോ അമ്മേ! അവിടുത്തെ സ്തനമദ്ധ്യപ്രദേശം ഗജാസുരന്റെ മസ്തകത്തില്‍ നിന്ന് ലഭിച്ച മുത്തുമണികളാല്‍ ഉണ്ടാക്കപ്പെട്ടതും തൊണ്ടിപ്പഴം പോലെയുള്ള അവിടുത്തെ അധരകാന്തിയാല്‍ അന്തഃശബളിതമായ നിര്‍മലമായ മുത്തുമാലയെ പരമശിവന്റെ പ്രതാപത്തോടുകൂടിയ കീര്‍ത്തിയോ എന്നുതോന്നുംവണ്ണം ധരിക്കുന്നു.
8547108794
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: