വടംവലിയെ കേരളത്തിന്റെ ജനകീയ കായിക വിനോദമാക്കിയ, 2008-ലെ വടംവലി സീസണില്‍ എഴുപത്തി മൂന്നു മത്സരങ്ങളില്‍ എഴുപത്തി രണ്ടിലും ചാമ്പ്യന്‍ പട്ടം കരസ്ഥമാക്കിയ വടംവലിയിലെ എക്കാലത്തെയും മികച്ച ടീം ആയ ‘ആഹാ നീലൂര്‍’ എന്ന വടംവലി ടീമിന്റെ നാമധേയം സ്വീകരിച്ച് കേരളക്കരയെ വടംവലിയുടെ ആവേശത്തിലേക്ക് ഉയര്‍ത്താന്‍ ‘ആഹാ’ വരുന്നു. സൂപ്പര്‍ സ്റ്റാര്‍ മോഹന്‍ലാലാണ് ചിത്രത്തിന്റെ ഫസ്റ്റ് ലുക്ക് റിലീസ് ചെയ്തത്.
സാസാ പ്രൊഡക്ഷന്‍സിന്റെ ബാനറില്‍ പ്രേം അബ്രഹാം നിര്‍മ്മിച്ച് എഡിറ്റര്‍ കൂടിയായ ബിബിന്‍ പോള്‍ സാമുവേല്‍ സംവിധാനം ചെയ്യുന്ന സ്‌പോര്‍ട്‌സ് പശ്ചാത്തലത്തിലുള്ള ചിത്രത്തില്‍ ഇന്ദ്രജിത്ത് വളരെ വ്യത്യസ്തമായ പ്രധാന കഥാപാത്രത്തെയാണ് അവതരിപ്പിക്കുന്നത്.
വടംവലിക്ക് പ്രാധാന്യമുള്ള ഈ ചിത്രത്തിനായി പ്രത്യേക മേക്ക് ഓവറില്‍ ആണ് ഇന്ദ്രജിത്ത് എത്തുന്നത്. ടോബിട് ചിറയത്ത് തിരക്കഥ എഴുതുന്ന ‘ആഹാ’യുടെ ഛായാഗ്രഹണം നിര്‍വഹിക്കുന്നത് പോളിഷ് സിനിമാട്ടോഗ്രാഫര്‍ ആര്‍തര്‍ സ്വാര്‍സ്‌ക്കിയുടെ അസോസിയേറ്റ് ആയ രാഹുല്‍ ബാലചന്ദ്രനാണ്. ഗായിക സയനോരാ ഫിലിപ്പാണ് സംഗീത സംവിധാനം. താര നിര്‍ണ്ണയം നടന്നുവരുന്ന ‘ആഹാ’യുടെ ചിത്രീകരണം ഉടന്‍ ആരംഭിക്കും.
പ്രതികരിക്കാൻ ഇവിടെ എഴുതുക: