ന്യൂദല്‍ഹി : 13 അന്താരാഷ്‌ട്ര റൂട്ടുകളിലേക്കുള്ള സര്‍വീസുകള്‍ ജെറ്റ് എയര്‍വേയ്‌സ് നിര്‍ത്തലാക്കി. ഏപ്രില്‍ അവസാനം വരെയാണ് സര്‍വ്വീസ് റദ്ദാക്കിയിരിക്കുന്നത്. വാടകയ്‌ക്കെടുത്ത വിമാനങ്ങള്‍ നിര്‍ത്തലാക്കിയതിനെ തുടര്‍ന്നാണ് ജെറ്റ് എയര്‍വേഴ്സ് വിമാനങ്ങള്‍ റദ്ദാക്കിയത്.
മുംബൈ- മാഞ്ചസ്റ്റര്‍ റൂട്ടിലെ സര്‍വീസുകളും പൂനെ- സിംഗപ്പൂര്‍, പൂനെ- അബുദാബി തുടങ്ങിയ സര്‍വീസുകളും റദ്ദാക്കിയവയില്‍ ഉള്‍പ്പെടുന്നു. ഇതിനെതിരെ ജെറ്റ് എയര്‍വേഴ്സിലെ പൈലറ്റുമാര്‍ ഏപ്രില്‍ ഒന്ന് മുതല്‍ സമരം തുടങ്ങുമെന്ന് അറിയിച്ചു.
അതിനിടെ മുടങ്ങിയ ശമ്പളം വിതരണം ചെയ്യണമെന്നാവശ്യപ്പെട്ട് ജെറ്റ് എയര്‍വേയ്‌സ് ജിവനക്കാര്‍ കേന്ദ്ര സര്‍ക്കാരിന് കത്ത് നല്‍കി. ജെറ്റ് എയര്‍വേയ്‌സ് പൈലറ്റുമാരാണ് കേന്ദ്ര സര്‍ക്കാരിന് കത്ത് നല്‍കിയിരിക്കുന്നത്.
പ്രതികരിക്കാൻ ഇവിടെ എഴുതുക: