കൊച്ചി: കല്യാണ്‍ ജൂവലേഴ്‌സിന്റെ ഗള്‍ഫ് മേഖലയിലെ മൂന്ന് ഷോറൂമുകള്‍ നടന്‍ ഷാരൂഖ് ഖാന്‍ ഉദ്ഘാടനം ചെയ്തു. യുഎഇ ബുര്‍ ദുബായിലെ മീന ബസാര്‍, കുവൈറ്റ് സിറ്റി ഫാഹീലിലെ അല്‍ ഖിയാത്തീന്‍ കോംപ്ലക്‌സ്, ഖത്തര്‍ ദോഹ, ഡി-റിംഗ് റോഡിലെ ലുലു ഹൈപ്പര്‍ മാര്‍ക്കറ്റ് എന്നിവിടങ്ങളിലെ പുതിയ ഷോറൂമുകള്‍ തുറന്നത്. ഷാരൂഖിനൊപ്പം കല്യാണ്‍ ജൂവലേഴ്‌സ് ചെയര്‍മാനും മാനേജിംഗ് ഡയറക്ടറുമായ ടി.എസ്. കല്യാണരാമന്‍, എക്‌സിക്യൂട്ടീവ് ഡയറക്ടര്‍മാരായ രാജേഷ് കല്യാണരാമന്‍, രമേഷ് കല്യാണരാമന്‍, കല്യാണ്‍ ഡെവലപ്പേഴ്‌സ് മാനേജിംഗ് ഡയറക്ടര്‍ ആര്‍. കാര്‍ത്തിക് എന്നിവരും സന്നിഹിതരായിരുന്നു.
കല്യാണ്‍ ജൂവലേഴ്‌സിന്റെ പുതിയ ഷോറൂമുകളുടെ ഉദ്ഘാടനം ഏറെ ആവേശകരമായ നിമിഷമാണെന്ന് ടി.എസ്. കല്യാണരാമന്‍ പറഞ്ഞു. കല്യാണ്‍ ജൂവലേഴ്‌സിന്റെ എല്ലാ ഷോറൂമുകളില്‍നിന്നും ആഭരണങ്ങള്‍ വാങ്ങുന്നവര്‍ക്ക് സമ്മാനങ്ങളും അദ്ദേഹം പ്രഖ്യാപിച്ചു. ആഗോള പ്രചാരണത്തിന്റെ ഭാഗമായി 25 മെഴ്‌സിഡസ് ബെന്‍സ് കാറുകള്‍ സമ്മാനമായി നല്‍കും.
കല്യാണിന്റെ ഏറ്റവും പുതിയ വിവാഹാഭരണ ബ്രാന്‍ഡായ മുഹൂര്‍ത്തിന്റെ എക്‌സ്‌ക്ലൂസീവ് ഷോറൂമാണ് പുതിയ ഷോറൂമുകളുടെ പ്രത്യേകത. അറബിക് ആഭരണശേഖരമായ അമീര, ഡയമണ്ട് ആഭരണനിരയായ സിയാ, നൃത്തം ചെയ്യുന്ന ഡയമണ്ട് ആഭരണങ്ങളായ ഗ്ലോ, അണ്‍കട്ട് ഡയമണ്ടുകള്‍ അടങ്ങിയ അനോഖി, പ്രത്യേകാവസരങ്ങള്‍ക്കായുള്ള സവിശേഷ ഡയമണ്ട് ആഭരണങ്ങളായ അപൂര്‍വ, വിവാഹ ഡയമണ്ട് ആഭരണങ്ങളായ അന്താര, ദിവസവും അണിയാന്‍ കഴിയുന്ന ഡയമണ്ട് ആഭരണങ്ങളായ ഹീര, പ്രഷ്യസ് സ്റ്റോണ്‍ ആഭരണങ്ങളായ രംഗ് എന്നിവയുടെ വൈവിധ്യമാര്‍ന്ന ആഭരണങ്ങള്‍ പുതിയ ഷോറൂമില്‍ ലഭ്യമാണ്.
പ്രതികരിക്കാൻ ഇവിടെ എഴുതുക: