നേപ്പാള്: തലസ്ഥാനമായ കാഠ്മണ്ഡുവില് വിമാനം തകര്ന്നു വീണ് മരിച്ചവരുടെ എണ്ണം അമ്പതായി. പരിക്കേറ്റവരെ വിവിധ ആശുപത്രികളില് പ്രവേശിപ്പിച്ചു. ധാക്കയില് നിന്ന് കാഠ്മണ്ഡുവിലേക്കെത്തിയ വിമാനം വിമാനത്താവളത്തില് ലാന്ഡ് ചെയ്യുന്നതിനിടെ റണ്വേയില് നിന്ന് തെന്നിമാറി തകരുകയും തീപിടിക്കുകയുമായിരുന്നു. അപകടകാരണം ഇനിയും വ്യക്തമായിട്ടില്ല.
തൊട്ടടുത്ത ഫുട്ബോള് മൈതാനത്താണ് വിമാനം നിന്നത്. ധാക്കയില് നിന്ന് വന്ന വിമാനം ഉച്ചയ്ക്ക് ശേഷം രണ്ടരയോടെയാണ് ത്രിഭുവന് വിമാനത്താവളത്തില് ലാന്ഡ് ചെയ്യേണ്ടിയിരുന്നത്. ലാന്ഡിംഗിനിടെ തൊട്ടടുത്തുള്ള ഫുട്ബോള് മൈതാനത്തേക്ക് വിമാനം ഇടിച്ചിറങ്ങുകയായിരുന്നു.
അപകടത്തെത്തുടര്ന്ന് ത്രിഭുവന് വിമാനത്താവളം അടച്ചിട്ടു.
പ്രതികരിക്കാൻ ഇവിടെ എഴുതുക: