പറവൂര്‍: വടക്കേക്കരയിലും പറവൂരിലുമായി വീണ്ടും മതസ്പര്‍ദ്ധ വളര്‍ത്തുന്ന ലഘുലേഖകള്‍ പ്രചരിപ്പിക്കുന്നു. സ്‌ട്രെയിറ്റ് പാത്ത് ഖുറാന്‍ എജുക്കേഷന്റെ പേരിലുള്ള ലഘുലേഖ ബിജെപിയുടേയും സംഘപരിവാര്‍ നേതാക്കളുടേയും ഭാര്യമാരുടെ പേരിലാണ് തപാല്‍ മാര്‍ഗ്ഗം അയച്ചിരിക്കുന്നത്. മലപ്പുറം മഞ്ചേരിയില്‍ നിന്നാണ് ലഘുലേഖകള്‍ പോസ്റ്റു ചെയ്തിരിക്കുന്നത്.
അഞ്ചുമാസം മുമ്പ് മത തീവ്രവാദ സംഘടനയുടെ നേതൃത്വത്തില്‍ വടക്കേക്കരയിലും പരിസരപ്രദേശങ്ങളിലും മതവിദ്വേഷം വളര്‍ത്തുന്ന ലഘുലേഖകള്‍ വിതരണം ചെയ്തതിനെ തുടര്‍ന്ന് നാട്ടുകാര്‍ ഇവരെ തടയുകയും തുടര്‍ന്ന് വടക്കേക്കര പോലീസ് എത്തി അറസ്റ്റു ചെയ്ത മുജാഹിദ്ദീന്‍ പ്രവര്‍ത്തകരെ റിമാന്റ് ചെയ്യ്തു. ഇതിനെ തുടര്‍ന്ന്, ബിജെപി പ്രവര്‍ത്തകനായ ബാങ്ക് ജീവനക്കാരന്‍ വിനോദ് ജോലിക്ക് പോകുമ്പോള്‍ മനക്കപ്പടിയില്‍വച്ച് എസ്ഡിപിഐ പ്രവര്‍ത്തകര്‍ വധിക്കാന്‍ ശ്രമിച്ചിരുന്നു. പ്രദേശവാസികള്‍ ഓടിക്കൂടിയതിനെ തുടര്‍ന്ന് തലനാരിഴക്കാണ് വിനോദ് രക്ഷപ്പെട്ടത്.
രണ്ട് മാസം മുമ്പ് ബിജെപി വടക്കേക്കര പഞ്ചായത്ത് കമ്മിറ്റി പ്രസിഡന്റ് ജിജേഷിന്റെ വീടിനു മുന്നില്‍ പാര്‍ക്ക് ചെയ്തിരുന്ന മൂന്ന് ബൈക്കുകള്‍ കത്തിക്കുകയും ചെയ്തു. ഈ സംഭവത്തില്‍ പോലീസിന് ഇതുവരെ പ്രതികളെ പിടികൂടാനായിട്ടില്ല. ഇതിനിടയിലാണ് തപാല്‍ മാര്‍ഗ്ഗം ലഘുലേഖകള്‍ പ്രചരിപ്പിക്കുന്നത്.
പ്രതികരിക്കാൻ ഇവിടെ എഴുതുക: