പുതുക്കാട് : ദേശീയപാത നന്തിക്കരയിലും കുറുമാലിയിലും വാഹനാപകടം. രണ്ടിടങ്ങളിലായി അഞ്ച് വാഹനങ്ങള്‍ അപകടത്തില്‍പ്പെട്ടു, ഒരു സ്ത്രീക്ക് പരിക്കേറ്റു. നന്തിക്കരയില്‍ പുറകിലായി വന്ന മൂന്ന് വാഹനങ്ങളാണ് അപകടത്തില്‍പ്പെട്ടത്. തൃശൂര്‍ ഭാഗത്തേക്ക് പോയിരുന്ന രണ്ട് കാറും ഒരു മിനിലോറിയും കൂട്ടിയിടിച്ചുണ്ടായ അപകടത്തില്‍ കാര്‍ യാത്രക്കാരിയായ സ്ത്രീക്ക് നിസാര പരിക്കേറ്റു. അറ്റകുറ്റപണി നടത്തുന്നതിനായി ഗതാഗത നിയന്ത്രണം ഏര്‍പ്പെടുത്തിയതിലെ അപാകതയാണ് നന്തിക്കരയിലെ അപകടത്തിന് കാരണം. സൂചന ബോര്‍ഡ് ശ്രദ്ധയില്‍ പെടാതെ വന്ന കാര്‍ വലതുവശത്തെ ട്രാക്കിലേക്ക് പ്രവേശിക്കുന്നതിനിടെ പുറകില്‍ വന്നിരുന്ന മറ്റൊരു കാറും മിനിലോറിയും കൂട്ടിയിടിക്കുകയായിരുന്നു. കുറുമാലിയില്‍ അമിത വേഗതയില്‍ വന്ന കാര്‍ ഓട്ടോറിക്ഷയില്‍ ഇടിച്ചു ഓട്ടോ മറിഞ്ഞു.ദമ്പതികളായ യാത്രക്കാരും ഓട്ടോ ഡ്രൈവറും റോഡിലേക്ക് തെറിച്ചു വീണെങ്കിലും പരിക്കേല്ക്കാതെ രക്ഷപ്പെട്ടു. പുതുക്കാട് പോലീസ് സ്ഥലത്തെത്തി.
Wednesday, November 27, 2024
ദേശീയപാതയില്‍ അപകട പരമ്പര
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: