വൈപ്പിന്‍: എളങ്കുന്നപ്പുഴ സുബ്രഹ്മണ്യ സ്വാമി ക്ഷേത്രത്തിലെ ഉത്സവത്തിന് വന്‍ ഭക്തജനത്തിരക്ക്. ഇന്നലെ നടന്ന വിശേഷാല്‍ ശീവേലിക്ക് പാമ്പാടി രാജന്‍ ഭഗവാന്റെ തിടമ്പേറ്റി. മംഗലാംകുന്ന് ശരണ്‍ അയ്യപ്പന്‍, മധുരപ്പുറം കണ്ണന്‍, പല്ലാട്ട് ബ്രഹ്മദത്തന്‍, കുന്നത്തൂര്‍ രാമു, പാറന്നൂര്‍ നന്ദന്‍, കാഞ്ഞിരക്കാട്ട് ശേഖരന്‍, ചെറായി ശ്രീ പരമേശ്വരന്‍, കാളകുത്തന്‍ കണ്ണന്‍, ചൂരൂര്‍ മഠം രാജശേഖരന്‍, തടത്താവിള സുരേഷ് എന്നീ ഗജവീരന്മാര്‍ ഉള്‍പ്പെടെ 11 ഗജവീരന്മാര്‍ ആണ് അണിനിരന്നത്. പെരുവനം സതീശന്‍ മാരാരുടെ പ്രമാണത്തില്‍ നടന്ന ഗംഭീര പഞ്ചാരിമേളവും ഭക്ത സ്‌കന്ദ ഒരുക്കിയ കുടമാറ്റവും ഉത്സവ പ്രേമികള്‍ക്ക് ഹരമായി. ഡിസംബര്‍ മൂന്നിനാണ് ആറാട്ട്.
Wednesday, November 27, 2024
എളങ്കുന്നപ്പുഴ ഉത്സവം തിടമ്പേറ്റി പാമ്പാടി രാജന്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: