മദ്യവിമോചനയാത്ര ഇന്ന് ജില്ലയില്‍

കൊച്ചി: മദ്യനയത്തിനും മദ്യവിപത്തിനുമെതിരെ കെസിബിസി മദ്യവിരുദ്ധ സമിതി സംസ്ഥാന ചെയര്‍മാന്‍ ബിഷപ് മാര്‍ റെമജിയോസ് ഇഞ്ചനാനിയല്‍ നയിക്കുന്ന ”വിമോചനയാത്ര” ഇന്ന് ജില്ലയിലെത്തുമെന്ന് സംസ്ഥാന സെക്രട്ടറി അഡ്വ.ചാര്‍ളിപോള്‍ അറിയിച്ചു. രാവിലെ 8ന് പാലാരിവട്ടം പിഒസിയില്‍ വിമോചന യാത്രയ്‌ക്ക് സ്വീകരണം നല്‍കും. 9.20ന് തോപ്പുംപടി ഔവര്‍ ലേഡീസ് ഹയര്‍ സെക്കണ്ടറി സ്‌കളില്‍ കൊച്ചി രൂപതയുടെ ആഭിമുഖ്യത്തിലും 10.30ന് ചെമ്പുമുക്ക് അസീസി വിദ്യാനികേതന്‍ സ്‌കൂളില്‍ വരാപ്പുഴ അതിരൂപതയുടെ നേതൃത്വത്തിലും സ്വീകരണമുണ്ടാകും. എറണാകുളം-അങ്കമാലി അതിരൂപത യുടെ നേതൃത്വത്തില്‍ അത്താണി സെന്റ് ഫ്രാന്‍സിസ് അസീസി സ്‌കൂളില്‍ ഉച്ചയ്‌ക്ക് 2.30ന് സ്വീകരണം നല്‍കും. അങ്കമാലി ഡി പോള്‍ സ്‌കൂള്‍, ജനസേവ ശിശുഭവന്‍, മേയ്‌ക്കാട് എന്നിവിടങ്ങളിലെ സ്വീകരണത്തിനുശേഷം അങ്കമാലി റയില്‍വേ സ്റ്റേഷന്‍ കവലയില്‍ വൈകിട്ട് 5.30ന് മദ്യവിരുദ്ധ മഹാസമ്മേളനം നടക്കും.