കൊച്ചി: കേന്ദ്ര തൊഴില്‍ ഉദ്യോഗ മന്ത്രാലയത്തിനു കീഴില്‍ പ്രവര്‍ത്തിക്കുന്ന ദേശീയ തൊഴില്‍ സേവന കേന്ദ്രവുമായി ചേര്‍ന്ന് കേരള ചേമ്പര്‍ ഓഫ് കോമേഴ്സ് ആന്‍ഡ് ഇന്‍ഡസ്ട്രിയും കൊച്ചിയിലെ സൊസൈറ്റി ഫോര്‍ ഇന്റഗ്രേറ്റഡ് ഗ്രോത്ത് ഓഫ് ദി നേഷനും സംയുക്തമായി ഡിസംബര്‍ 3ന് കൊച്ചിയില്‍ തൊഴില്‍മേള സംഘടിപ്പിക്കുന്നു.
ആലുവയ്‌ക്ക് സമീപം മുട്ടം എസ്‌സിഎംഎസ് കൊച്ചിന്‍ സ്‌കൂള്‍ ഓഫ് ബിസിനസ്സില്‍ രാവിലെ 9 മുതലാണ് മേള. എട്ടാം ക്ലാസ് മുതല്‍ ബിരുദവും ബിരുദാനന്തരബിരുദവുമുള്ള എല്ലാ വിഭാഗത്തില്‍പെട്ടവര്‍ക്കുമായി ബഹുരാഷ്‌ട്ര കമ്പനികള്‍ മുതല്‍ ചെറുതും വലുതുമായ അമ്പതില്‍പരം സ്വകാര്യ സ്ഥാപനങ്ങളില്‍ പങ്കെടുക്കും.
ഉദ്യോഗാര്‍ഥികള്‍ അവരുടെ വയസ്സ്, യോഗ്യത, തൊഴില്‍ പരിചയം എന്നിവ തെളിയിക്കുന്ന സര്‍ട്ടിഫിക്കറ്റുകളും നാലു സെറ്റ് ബയോഡാറ്റായും സഹിതം രാവിലെ 9.00 മണിക്ക് മുമ്പ് പേര് രജിസ്റ്റര്‍ ചെയ്യണം. പിന്നീട് വരുന്ന ഒഴിവുകളിലേക്ക് പരിഗണിക്കുവാന്‍ ംംം.ിര.െഴീ്.ശി എന്ന വെബ്ബ് സൈറ്റില്‍ രജിസ്റ്റര്‍ ചെയ്യണം.
കേന്ദ്ര തൊഴില്‍ ഉദ്യോഗ മന്ത്രാലയത്തിലെ സബ് റീജിയണല്‍ എംപ്ലോയ്മെന്റ് ഓഫീസര്‍ പി.ജി. രാമചന്ദ്രന്‍, കെസിസിഐ യൂത്ത് ഫോറം കണ്‍വീനര്‍ രാജേഷ് നായര്‍, സൈന്‍ ഡയറക്ടര്‍ ലക്ഷ്മണ്‍ വര്‍മ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു. വിവരങ്ങള്‍ക്ക് 0471-2332113/8304009409.
പ്രതികരിക്കാൻ ഇവിടെ എഴുതുക: