പാലക്കാട്:ഇന്‍ഫര്‍മേഷന്‍-പബ്ലിക് റിലേഷന്‍സ് വകുപ്പിന് വേണ്ടി സംസ്ഥാന ചലച്ചിത്ര വികസന കോര്‍പ്പറേഷന്‍ നിര്‍മിച്ച ‘ വയലാര്‍ രാമവര്‍മ’ ഡോകുമെന്ററി പ്രദര്‍ശനത്തോടെ ശ്രേഷ്ഠ ഭാഷാദിന – ഔദ്യോഗിക ഭാഷാവാരത്തിന് തുടക്കമാവും.ഇന്ന് രാവിലെ 10ന് കളക്ടറേറ്റ് സമ്മേളനഹാളിലാണ് പ്രദര്‍ശനം.തുടര്‍ന്ന് ജില്ലാ പഞ്ചായത്ത് പ്രസിഡന്റ് കെ.ശാന്തകുമാരി ജില്ലാതല ഉദ്ഘാടനം നിര്‍വഹിക്കും.ജീവനക്കാര്‍ ഭരണഭാഷാ പ്രതിജ്ഞയെടുക്കും.എ.ഡി.എം.എസ്.വിജയന്‍ അധ്യക്ഷനാവുന്ന പരിപാടിയില്‍ ഡോ:സി.പി.ചിത്രഭാനു മുഖ്യപ്രഭാഷണം നടത്തും. ഭരണഭാഷാ സേവന ജില്ലാതല പുരസ്‌കാരം നേടിയ ഹിന്ദുമത ധര്‍മസ്ഥാപന ഭരണ വകുപ്പിലെ സീനിയര്‍ ക്ലാര്‍ക്ക് കെ.സുദീപിനുള്ള പുരസ്‌കാരം കൈമാറും.തുടര്‍ന്ന് ജീവനക്കാര്‍ ഭരണഭാഷാ കൈകാര്യം ചെയ്യുന്നതുമായി ബന്ധപ്പെട്ട അനുഭവങ്ങള്‍ പങ്കുവെയ്‌ക്കും.ജില്ലാ ഭരണകാര്യാലയം-ജില്ലാ ഇന്‍ഫര്‍മേഷന്‍ ഓഫീസ്, ജീവനക്കാരുടെ സാംസ്‌കാരിക കൂട്ടായ്മയായ ‘സൗഹൃദം’ സംയുക്തമായാണ് പരിപാടി നടത്തുന്നത്.
Wednesday, November 27, 2024
ശ്രേഷ്ഠ ഭാഷാദിനം: ജില്ലാതല ഉദ്ഘാടനം ഇന്ന്
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: