ഒറ്റപ്പാലം:മോഷണ മുതലുകള്‍ വില്‍പ്പന നടത്താന്‍ സഹായിച്ചിരുന്നയാള്‍ പിടിയില്‍.മലപ്പുറം കോട്ടയ്‌ക്കല്‍ പരുത്തിക്കുന്നന്‍ മുഹമ്മദാലി(33)യെയാണ് ഒറ്റപ്പാലം പോലീസ് പിടികൂടിയത്.
2016ല്‍ അനങ്ങനടി,കുണ്ടടി പ്രദേശങ്ങളിലെ രണ്ട് വീടുകളില്‍ നിന്ന് സ്വര്‍ണാഭരണങ്ങള്‍ മോഷ്ടിച്ച് വില്‍പ്പന നടത്തിയ കേസിലാണ് ഇയാളെ പോലീസ് അറസ്റ്റ്‌ചെയ്തത്.മലപ്പുറം മക്കരപ്പറമ്പ് സ്വദേശിയായ അബ്ദുള്‍ കബീര്‍ എന്ന മാക്‌സികബീറാണ് 2016ല്‍ അനങ്ങനടി പ്രദേശത്തുനിന്ന് സ്ത്രീകളുടെ സ്വര്‍ണ്ണാഭരണങ്ങള്‍ മോഷ്ടിച്ചത്.മോഷ്ടിച്ച സ്വര്‍ണം മുഹമ്മദലിക്ക് നല്‍കുകയും അത് ജ്വല്ലറികളില്‍ വില്‍പ്പന നടത്തുകയുമാണ് ചെയ്തിരുന്നത്.
പതിനൊന്ന് പവനോളം സ്വര്‍ണമാണ് മോഷ്ടിച്ചിരുന്നത്. ഈ കേസില്‍ മാക്‌സി കബീറിനെ ചെര്‍പ്പുളശ്ശേരി പോലീസ് നേരത്തെ അറസ്റ്റ് ചെയ്തിരുന്നു. ഇയാള്‍ നല്‍കിയ വിവരങ്ങളുടെ അടിസ്ഥാനത്തിലാണ് മുഹമ്മദാലിയെ പോലീസ് പിടികൂടിയത്.
മുഹമ്മദലിയുടെ പേരില്‍ മലപ്പുറത്ത് വേറെയും കേസുകളുള്ളതായി പോലീസ് പറഞ്ഞു. ഒറ്റപ്പാലം സി.ഐ പി.അബ്ദുള്‍ മുനീറും സംഘവുമാണ് പ്രതിയെ പിടികൂടിയത്.
പ്രതികരിക്കാൻ ഇവിടെ എഴുതുക: