ന്യൂദല്‍ഹി: രാജ്യത്തെ ഏറ്റവും മികച്ച മാനേജ്‌മെന്റ് അസോസിയേഷനുള്ള ദേശീയ പുരസ്‌കാരം കേരള മാനേജ്‌മെന്റ് അസോസിയേഷന്‍ (കെഎംഎ) കരസ്ഥമാക്കി. ദല്‍ഹി ലേ മെറിഡിയനില്‍ നടന്ന ഓള്‍ ഇന്ത്യ മാനേജ്‌മെന്റ് അസോസിയേഷന്‍ ദേശീയ വജ്രജൂബിലി കണ്‍വെന്‍ഷനിലാണു കെഎംഎയെ തെരഞ്ഞെടുത്തത്.
പ്രവര്‍ത്തന മികവ്, വൈവിധ്യമാര്‍ന്ന മാനേജ്‌മെന്റ് പരിപാടികള്‍ സംഘടിപ്പിക്കല്‍, പരിപാടികളുടെ മികവ്, സമഗ്രത, മാനേജ്‌മെന്റ് മേഖലയിലെ ഇടപെടലുകള്‍ തുടങ്ങിയവ കണക്കിലെടുത്താണ് കെഎംഎയ്ക്ക് അവാര്‍ഡ് സമ്മാനിച്ചത്.
കെഎംഎ പ്രസിഡന്റ് വിവേക് കൃഷ്ണ ഗോവിന്ദ്, സെക്രട്ടറി ആര്‍. മാധവ് ചന്ദ്രന്‍ എന്നിവര്‍ ഓള്‍ ഇന്ത്യ മാനേജ്‌മെന്റ് അസോസിയേഷന്‍ പ്രസിഡന്റും ഹീറോ എന്റര്‍പ്രൈസസ് ചെയര്‍മാനുമായ സുനില്‍കാന്ത് മൂഞ്ജാലില്‍ നിന്ന് അവാര്‍ഡ് ഏറ്റുവാങ്ങി.
പ്രതികരിക്കാൻ ഇവിടെ എഴുതുക: