കൊച്ചി: ബെംഗളൂരു ആസ്ഥാനമായുള്ള ഹോസ്പിറ്റാലിറ്റി ഗ്രൂപ്പായ സ്പ്രീ, കൊച്ചി ട്രാവന്‍കൂര്‍ കോര്‍ട്ട് ഹോട്ടലുമായി ചേര്‍ന്ന് ശൃംഖല വിപുലപ്പെടുത്തുന്നു. സംയുക്ത സംരംഭത്തിന്റെ ഉദ്ഘാടനം ട്രാവന്‍കൂര്‍ കോര്‍ട്ടില്‍ നടന്നു.
ദേശീയതലത്തില്‍ സ്പ്രീ ഹോട്ടല്‍ ശൃംഖല നടത്തുന്ന വിപുലീകരണ പദ്ധതിയില്‍ എട്ടാമത്തേതാണ് കൊച്ചിയിലേത്. ദല്‍ഹി, പൂനെ, ഗോവ, മൈസൂര്‍, കോയമ്പത്തൂര്‍, ബെംഗളൂരു, ഹല്‍ദ്വാനി എന്നിവിടങ്ങളില്‍ സ്പ്രീയുടെ പ്രീമിയം ഹോട്ടലുകള്‍ പ്രവര്‍ത്തിക്കുന്നുണ്ട്.
വിമാന സര്‍വീസുകളിലും ടൂറിസത്തിലുമുണ്ടായ വര്‍ധനവ് ഹോട്ടല്‍ സര്‍വീസ് മേഖലക്ക് ഉണര്‍വ്വ് പകര്‍ന്നിട്ടുണ്ടെന്ന് സ്പ്രീ ഹോട്ടല്‍ എംഡി കേശവ് ബാല്‍ജി പറഞ്ഞു. ലോഞ്ചിനോടനുബന്ധിച്ച് ട്രാവന്‍കൂര്‍ ഹോട്ടലില്‍ നടന്ന ആഘോഷ പരിപാടികളില്‍ ട്രാവന്‍കൂര്‍ കോര്‍ട്ടിന്റെ പ്രമോട്ടര്‍മാരായ നടന്‍ മോഹന്‍ലാലും, വി.കെ അഷ്റഫും പങ്കുചേര്‍ന്നു.
പ്രതികരിക്കാൻ ഇവിടെ എഴുതുക: