കോന്നി: വിശ്വഹിന്ദു പരിക്ഷത്ത് കോന്നി പ്രഖണ്ഡ് സമിതിയുടെ നേതൃത്വത്തില്‍ ശബരി ബാലികാ സദനത്തില്‍ ആചാര്യത്രയജയന്തി ആഘോഷ സമ്മേളനം നടത്തി. പ്രഖണ്ഡ് രക്ഷാധികാരി ഡോ. എന്‍ വിജയകുമാരന്‍ നായര്‍ അദ്ധ്യക്ഷനായിരുന്നു. പശ്ചിമബംഗാള്‍ മുന്‍അഡീഷണല്‍ ചീഫ്‌സെക്രട്ടറി കെ.എസ് രാജേന്ദ്രകുമാര്‍ ഐഎഎസ് ഉദ്ഘാടനം ചെയ്തു. വിഎച്ച്പി സാമാജിക സമരസത സംസ്ഥാന സംയോജകന്‍ പി. എന്‍ വിജയന്‍ മുഖ്യപ്രഭാഷണം നടത്തി. ജില്ലാ സെക്രട്ടറി വി.എന്‍ സജികുമാര്‍ ആചാര്യത്രയ ജയന്തി സന്ദേശം നല്‍കി. കെപിഎംഎസ് കോന്നി താലൂക്ക് യൂണിയന്‍ സെക്രട്ടറി കെ. ഗോപി, എസ്എന്‍ഡിപി യൂത്ത്മൂവ്‌മെന്റ് മുന്‍ സെക്രട്ടറി സി. അശോകന്‍, എന്‍എസ്എസ് വനിതാ സമാജം സെക്രട്ടറി കെ.വത്സലാകുമാരി എന്നിവര്‍ ചട്ടമ്പി സ്വാമി, അയ്യന്‍കാളി, ശ്രീനാരായണഗുരു എന്നീ ആചാര്യത്രയങ്ങളുടെ പ്രതിമകളില്‍ ഹാരാര്‍പ്പണം നടത്തി. ജില്ലാ സത്സംഗപ്രമുഖ് കെ. ജി ശശികുമാറിന്റെ നേതൃത്വത്തില്‍ സത്സംഗം നടന്നു. വിഎച്ച്പി ജില്ലാ രക്ഷാധികാരി കെ. ജനാര്‍ദ്ദനന്‍ നായര്‍, കെ ആര്‍ ഗോപാലകൃഷ്ണന്‍, എം. പ്രകാശ്, അനില്‍കുമാര്‍, പ്രകാശ് ഡി കുറുപ്പ് എന്നിവര്‍ പ്രസംഗിച്ചു.
Friday, November 29, 2024
ആചാര്യത്രയ ജയന്തി ആഘോഷം നടത്തി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: