അഗളി: മാവോവാദി പരിശോധനയ്‌ക്കായി അട്ടപ്പാടിയില്‍ നിയമിച്ചിരിക്കുന്ന തണ്ടര്‍ബോള്‍ട്ട് വിഭാഗത്തിലെ കോണ്‍സ്റ്റബിള്‍ സുനീഷിന് അബദ്ധത്തില്‍ വെടിയേറ്റു.
സൈലന്റ് വാലി വനമേഖലയില്‍ ഗൊട്ടിയാര്‍കണ്ടിക്കും കുറുക്കത്തികലിനും ഇടക്കുള്ള ചക്കാത്ത് പരിസരത്ത് വനമേഖലയില്‍ ഇന്നലെ 5.30ഓടെയാണ് സംഭവം. വാഹനത്തില്‍ കയറുന്നതിന് മുമ്പ് പരിശോധന നടത്തുന്നതിന് വേണ്ടി എത്തിയ പൊലീസ് ആയുധം കൈമാറിയപ്പോള്‍ അറിയാതെ തോക്കില്‍ വിരലമര്‍ന്നാണ് വെടിയേറ്റതെന്ന് അഗളി ഡി.വൈ.എസ്.പി അറിയിച്ചു.
നിലത്തുപതിച്ച വെടിയുണ്ട തെറിച്ചുവന്ന് സുനീഷിന്റെ തുടയില്‍ പതിച്ചു. ഇത് വലതുകാല്‍ തുളച്ച് പുറത്തുവന്നു. സുനിഷീനെ കോട്ടത്തറ സൂപ്പര്‍ സ്‌പെഷ്യാലിറ്റി ആശുപത്രിയില്‍ പ്രവേശിപ്പിച്ചു.
പരിക്ക് ഗുരുതരമല്ലന്ന് ആശുപത്രി അധികൃതര്‍ അറിയിച്ചു.
പ്രതികരിക്കാൻ ഇവിടെ എഴുതുക: